Tuesday, 10 January 2017

دسویں اور بارہویں جماعت کے امتحانات نو مارچ سے شروع ہوں گے



پانچ ریاستوں میں ہونے والے اسمبلی انتخابات کے پیش نظر سی بی ایس ای امتحانات کی تاریخ میں تبدیلی کی گئی ہے ۔ دسویں اور بارہویں جماعت کے امتحانات نو مارچ سے شروع ہوں گے ۔ واضح رہے کہ آٹھ مارچ کو آخری مرحلہ کی رائے دہی ہونے والی ہے ۔ تقریباً 16.67 لاکھ طلبہ امتحانات میں شرکت کرنے والے ہیں۔ دسویں اور بارہویں کے سی بی ایس ای امتحانات بالترتیب دس اور انتیس اپریل کو ختم ہوں گے ۔ واضح رہے کہ عموماً یکم مارچ سے امتحانات کا آغاز ہوتا ہے لیکن انتخابات کی وجہ سے اس میں تبدیلی کی گئی ہے ۔ نتائج مئی کے تیسرے ہفتہ میں جاری کئے جائیں گے ۔

SHARE THIS

Author:

Hyderabad No.1 News Channel

0 comments: