Thursday, 5 January 2017

پارلمینٹ کے بجٹ اجلاس کو ملتوی کرنے اپوزیشن کا مطالبہ


اپوزیشن جماعتوں نے پانچ ریاست کے انتخابی شیڈول کے اعلان کے تناظر میں آج الیکشن کمیشن سے نمائندگی کرتے ہوئے مرکزی بجٹ کی پیشکشی کو ملتوی کرنے کا مطالبہ کیا ہے ۔ کانگریس ‘ ٹی ایم سی ‘ سماج وادی پارٹی ‘ بی ایس پی ‘ جے ڈی یو اور آر جے ڈی کے قائدین اس وفد میں شامل تھے ۔ بعد میں میڈیا سے بات کرتے ہوئے کانگریس کے سینئر لیڈر غلام نبی آزاد نے بتایا ہے کہ چونکہ پانچ ریاستوں میں انتخابی شیڈول کا اعلان کیا گیا ہے اس لئے بجٹ اجلاس کو انتخابی عمل مکمل ہونے کے بعد طلب کرنے کا مطالبہ کیا گیا ہے ۔ آزاد کا کہنا تھا کہ بجٹ آٹھ مارچ کے بعد پیش کیا جانا چاہئے ۔
بی جے پی کے سینئر قائدین مختار عباس نقوی نے بھی بجٹ اجلاس کو ملتوی کئے جانے کے اپوزیشن کے مطالبہ کو مضحکہ خیز قرار دیا ہے ۔ ان کا کہنا تھا کہ حکومت نے بہت پہلے ہی بجٹ اجلاس سے متعلق اعلان کیا تھا اور اپوزیشن کو بھی اس سے واقف کرایا گیا تھا ۔ ان کا کہنا تھا کہ حکومت نے یکم فروری سے بجٹ اجلاس کا جو اعلان کیا ہے اسے منعقد ہونا چاہئے اس معاملہ پر سیاست نہیں کی جانی چاہئے ۔

SHARE THIS

Author:

Hyderabad No.1 News Channel

0 comments: