Tuesday, 30 August 2016

ہندوستان اور امریکہ کی فوجی تنصیبات اور انفرا اسٹرکچر سے متعلق اہم معاہدے پر دستخط

ہندوستان اور امریکہ کی فوجی تنصیبات اور انفرا اسٹرکچر سے متعلق اہم معاہدے پر دستخط



ہندوستان اور امریکہ نے ایک دوسرے کی فوجی تنصیبات اور انفرا اسٹرکچر سے متعلق اہم معاہدے پر دستخط کئے ہیں۔ اس معاہدہ سے دونوں ممالک کے درمیان ایک دوسرے کے ٹھکانوں پر فوجی ساز و سامان کی مرمت اور ایندھن بھرنے کا راستہ ہموار ہوجائے گا ۔ ہندوستانی وزیر دفاع منوہر پاریکر جو امریکہ کے دورہ پر ہیں ‘ اپنے ہم منصب ایشٹن کارٹر کے ساتھ یہ معاہدہ کے بعد مشترکہ طور پر میڈیا سے بات کی ۔ امریکی وزیر دفاع نے بتایا کہ اس معاہدہ سے دونوں ممالک کی فوج ایک دوسرے کے ساتھ مل کر کام کرے گی اور یہ دونوں کی رضا مندی سے ہوگا ۔ ہندوستانی وزیر دفاع منوہر پاریکر نے بھی واضح کیا کہ اس معاہدہ سے کسی بھی فریق کو ایک دوسرے کے ٹھکانہ پر فوجیوں کو تعینات کرنے کی اجازت نہیں رہے گی ۔ واشنگٹن میں دفاعی ماہرین کا کہنا ہے کہ انڈیا اور امریکہ کے درمیان بڑھتے فوجی تعلقات خطہ میں چین کے بڑھتے اثر و رسوخ کو کم کرنے کی سمت ایک قدم ہے ۔
قطب اللہ پور : فیکٹری میں زہریلی کیمیلکس کے اخراج کے دوران اچانک معمولی دھماکہ

قطب اللہ پور : فیکٹری میں زہریلی کیمیلکس کے اخراج کے دوران اچانک معمولی دھماکہ



قطب اللہ پور کے صنعتی علاقہ کی ایک فیکٹری میں زہریلی کیمیلکس کے اخراج کے دوران اچانک معمولی دھماکہ ہوا اور دھواں نکلنے لگا ۔ دھماکہ کی آواز سن کر مقامی افراد خوف زدہ ہوگئے ۔ جنہوں نے فیکٹری پہونچ کر اس واقعہ پر انتظامیہ پر برہمی ظاہر کی اور احتجاج کا ۔عوام نے فیکٹری کے دفتر پر حملہ کی بھی کوشش کی اسی دوران وہاں سے گزرنے والے رکن اسمبلی ویکانند ریڈی کو بھی مقامی عوام نے روک دیا اور اس مسئلہ پر احتجاج کیا ۔ مقامی عوام نے مطالبہ کیا کہ فیکٹریز کو ان علاقوں سے برخاست کیا جائے کیونکہ اس سے ان کی جان کو خطرہ ہے ۔ اس واقعہ میں کسی کے زخمی ہونے کی اطلاع نہیں ملی ہے ۔ یہ واقعہ کل رات دیر گئے پیش آیا ۔ فیکٹری کے قریب جمع ہجوم نے انتظامیہ کے خلاف نعرے لگائے اور الزام لگایا کہ انتظامیہ ان کی جانوں سے کھیل رہا ہے ۔ انہوں نے ان ا نتظامیہ کے خلاف سخت کارروائی کا مطالبہ کیا ۔ پولیس کو احتجاجیوں کو قابو میں کرنے میں مشکلات کا سامنا کرنا پڑا ۔ انتظامیہ کے خلاف سخت کارروائی کی پولس کی جانب سے یقین دہانی کے بعد یہ احتجاج ختم کیا گیا ۔ 
ضلع ورنگل میں جنگاوں کو ضلع کا درجہ دینے کا مطالبہ

ضلع ورنگل میں جنگاوں کو ضلع کا درجہ دینے کا مطالبہ



ضلع ورنگل میں جنگاوں کو ضلع کا درجہ دینے کا مطالبہ کرتے ہوئے عوامی تنظیموں کی طرف سے احتجاج کیا گیا۔ احتجاجیوں نے ہنمکنڈہ کو ضلع کا درجہ دینے کی تجویز سے دستبرداری کا بھی مطالبہ کیا۔ اس احتجاج میں کانگریس ‘ تلگودیشم اور بی جے پی قائدین کی کثیر تعداد نے شرکت کی۔ بند کے موقع پر بس خدمات متاثر رہیں تعلیمی اور تجارتی ادارے بند دیکھے گئے۔ احتجاجیوں نے الزام لگایا کہ سیاسی مفاد کیلئے تلنگانہ حکومت تاریخی ضلع ورنگل کو تقسیم کرنا چاہتی ہے ۔
سقوط حیدرآباد کو یوم نجات کے طور پر منانے کا  مطالبہ

سقوط حیدرآباد کو یوم نجات کے طور پر منانے کا مطالبہ



تلنگانہ بی جے پی کے فلور لیڈر کشن ریڈی نے سترہ ستمبر سقوط حیدرآباد کو یوم نجات کے طور پر منانے کا ایک بار پھر مطالبہ کیا ہے۔گن پارک کے پاس واقع سردار پٹیل کے مجسمہ کو بی جے پی قائدین کی طرف سے دودھ سے نہلایا گیا ۔ اس موقع پر کشن ریڈی نے کہا کہ مجلس کے دباو کی وجہ سے تلنگانہ حکومت اپنے انتخابات سے پہلے کئے گئے مطالبہ کو فراموش کرچکی ہے ۔ کشن ریڈی نے کہا کہ تلنگانہ حکومت کو اس سلسلہ میں اپنا موقف واضح کرنا چاہیے ۔
جی ایس ٹی بل کو تلنگانہ اسمبلی کے خصوصی اجلاس میں متفقہ طور پر منظوری

جی ایس ٹی بل کو تلنگانہ اسمبلی کے خصوصی اجلاس میں متفقہ طور پر منظوری



پارلیمنٹ میں ترمیم کئے گئے جی ایس ٹی بل کو تلنگانہ اسمبلی کے خصوصی اجلاس میں متفقہ طور پر منظوری دے دی گئی ہے ۔ تلنگانہ اسمبلی کا اس سلسلہ میں آج خصوصی اجلاس طلب کیا گیا تھا ۔ وزیراعلی کے چندرشیکھرراؤ نے جی ایس ٹی بل کی منظوری کیلئے قرارداد پیش کرتے ہوئے بتایا کہ اس بل سے ریاست کو کوئی نقصان نہیں ہوگا اورا گر کوئی نقصان ہوتا بھی ہے تو مرکز پانچ سال تک اس کی پابجائی کرے گا۔ وزیراعلی نے کہا کہ مرکزی محاصل کے بقایہ جات ادا کرنے سے متعلق مرکز کے تیقن پر ریاستی حکومت کو بھروسہ ہوا ہے جس کے بعد ہی جی ایس ٹی بل کی حمایت کی جارہی ہے۔ انہوں نے واضح کیا کہ جی ایس ٹی بل سے کسی بھی ریاست کو وصول ہونے والی ٹیکس کی رقم سے محروم ہونا نہیں پڑے گا۔ کے سی آر نے بتایا کہ مرکز نے ریاستوں کو فائدہ ہونے کی یقین دہانی کرائی ہے۔ وزیراعظم سے بھی اس بل کے سلسلہ میں انہوں نے بات کی ہے اور اب تک نو ریاستوں کی اسمبلیوں نے اس بل کو منظوری دی ہے ۔ کانگریس کے چنا ریڈی نے اس بل کی حمایت کی اور کہا کہ جی ایس ٹی کا ٹیکس اٹھارہ فیصد ہونا چاہیے اور جتنے بھی محاصل کے اختیارات ریاستوں کو ہیں اس کی پابندی کی جانی چاہیے۔ انہوں نے کہا کہ عوام پر اتنا ہی بوجھ ڈالا جائے جتنا کہ وہ برداشت کرسکیں۔ تلگودیشم کے وینکٹ ویریا نے کہا کہ چھوٹی صنعتوں کو بل سے زیادہ بوجھ کا خدشہ ہے حکومت کو اس کا خیال رکھنا چاہیے۔ مجلس نے جی ایس ٹی بل کی حمایت کی ۔ رکن اسمبلی معظم خان نے اس سلسلہ میں کہا کہ اس بل کو ریاست کو کتنا نقصان ہوگا اور اس کی بھرپائی کیسے ہوپائے گی۔ وزیراعلی نے مجلسی رکن کے سوال پر یقین دہانی کرائی کہ ریاست کو نقصان کی پابجائی اس بل کے ذریعہ ہوجائے گی ۔ وزیراعلی نے متفقہ طور پر بل کی منظوری پر تمام جماعتوں سے اظہار تشکر کیا۔ بعد میں اجلاس کو غیرمعینہ مدت کیلئے ملتوی کردیا گیا ۔ اس کے بعد تلنگانہ اسمبلی کی بزنس اڈوائزری کمیٹی کا اسپیکر کی قیادت میں اجلاس منعقد ہوا جس میں وزیراعلی کے علاوہ دیگر جماعتوں کے فلور لیڈرس نے شرکت کی۔ وزیراعلی نے اجلاس میں بتایا کہ آنے والے ماہ کی بیس تاریخ سے اسمبلی کا اجلاس شروع ہوگا ۔ وزیراعلی نے بتایا کہ دس دنوں تک یہ اجلاس چلایا جائے گا ۔ تلنگانہ کونسل میں نائب وزیراعلی کے سری ہری نے جی ایس ٹی بل قرارداد پیش کی اور اسے اتفاق رائے سے منظوری دی گئی ۔
عصمت ریزی کا شکار خاتون کا زبردستی حمل ساقط کرنے کا واقعہ

عصمت ریزی کا شکار خاتون کا زبردستی حمل ساقط کرنے کا واقعہ



اترپردیش کے بلند شہر میں متعدد بار عصمت ریزی کا شکار خاتون کا زبردستی حمل ساقط کرنے کا واقعہ پیش آیا ہے۔ تفصیلات کے مطابق ملزم کی ماں نے متاثرہ خاتون جو کہ پانچ ماہ کی حاملہ تھی زبردستی دواخانہ لے جاکر اس کا حمل ساقط کروادیا ۔ پولیس نے بتایا کہ بعض مقامی افراد نے متاثرہ خاتون کو پولیس اسٹیشن لاکر شکایت درج کرائی ہے۔ دواخانہ کے علاوہ ملزم اور اس کی ماں کے خلاف مقدمہ درج کرلیا گیا ہے اور پولیس مصروف تحقیقات ہے ۔
آرا یس ایس ملک سے محبت کرنے والی تنظیم :  شاہنواز حسین

آرا یس ایس ملک سے محبت کرنے والی تنظیم : شاہنواز حسین



بی جے پی لیڈر شاہنواز حسین نے کہا ہے کہ آرا یس ایس ملک سے محبت کرنے والی تنظیم ہے اور یہ تنظیم ملک کو مضبوط کرنے کیلئے کام کرتی ہے۔ میڈیا سے بات کرتے ہوئے شاہنواز حسین نے بائیں بازو کی جماعتوں کو تنقید کا نشانہ بناتے ہوئے کہا کہ کیرالا میں سنگھ کے کارکنوں کا قتل کیا جارہا ہے اور وہاں کی حکومت ایسی سرگرمیوں کی حوصلہ افزائی کررہی ہے۔ شاہنواز حسین نے کہا کہ آر ایس ایس ملک پر مرنے مٹنے والی تنظیم ہے ۔
 نوجوانوں کو روزگار کی فراہمی کے لئے تربیت دی جائے گی۔

نوجوانوں کو روزگار کی فراہمی کے لئے تربیت دی جائے گی۔



کشمیر کی وزیراعلی محبوبہ مفتی نے کہا ہے کہ جموں میں نوجوانوں کو روزگار کی فراہمی کے لئے تربیت دی جائے گی۔ جموں میں ایک جلسے سے خطاب کرتے ہوئے محبوبہ مفتی نے کہا کہ سیاحت کے فروغ کے ساتھ ساتھ جموں میں نوجوانوں کو ٹورسٹ گائیڈ کی تربیت بھی دی جائے گی۔ ان کا کہناتھا کہ حکومت کا مقصد ہے کہ مقامی نوجوانوں کو حکومت کی تربیت سے باعزت روزگار حاصل ہوگا۔
مرکزی حکومت ہر فیصلے نہیں کرتی

مرکزی حکومت ہر فیصلے نہیں کرتی



مرکزی وزیر فینانس ارون جیٹلی نے کہا ہے کہ مرکزی حکومت ہر فیصلے نہیں کرتی ہے ۔ میڈیا سے بات کرتے ہوئے ارون جیٹلی نے کہا کہ ہم ریاستوں کو مشورہ دیتے ہیں اور ایک بنیاد بنائی جاتی ہے اور ریاستوں کو اس کے مطابق طئے کرنا پڑتا ہے ۔ وزیر فینانس نے بتایا کہ اقل ترین تنخواہیں ساڑھے تین سو روپیے کے حساب سے طئے کی گئی ہیں ۔ انہوں نے یہ بھی بتایا کہ کنٹراکٹ ملازمین کے سلسلہ میں جو قانون ہے اس پر عمل کیلئے ریاستی حکومتوں کو لکھا جائے گا۔
 وزیراعظم مودی نے جام نگر میں نرمدا ایریگیشن پراجکٹ کا کیا افتتاح

وزیراعظم مودی نے جام نگر میں نرمدا ایریگیشن پراجکٹ کا کیا افتتاح



وزیراعظم نریندرمودی نے کہا ہے کہ جب وہ گجرات کے وزیراعلی بنے تھے اس وقت انہوں نے تمام کسانوں کو مشورہ دیا تھا کہ وہ احتجاج نہ کریں ۔وزیراعظم نے کہا کہ کسانوں سے انہوں نے یہ بھی کہا تھا کہ پانی کی ضرورت برقی سے زیادہ ہے۔ وزیراعظم نے کہا کہ پانی کا ذخیرہ ریاست کا ایجنڈہ بن چکاہے۔ اور کسانوں کو پانی کی سربراہی کے لئے حکومت اقدامات کررہی ہے۔ وزیراعظم نے کہا کہ ریاست کے ایک سوپندرہ ڈیمس کو ساونی یوجنا کے تحت پانی حاصل ہوپائے گا۔ اوراس سے کسانوں کو سہولت ہوگی۔
اس سے پہلے وزیراعظم نریندرمودی نے آج گجرات کے سوراشٹر میں پہلے سوراشٹرا نرمادہ آواترن کے پہلے مرحلے کا افتتاح انجام دیا۔ اس پراجکٹ سے ایک سوپندرہ چھوٹے ڈیمس کو پانی حاصل ہوپائے گا۔
کانپور: کمسن لڑکے کی باپ کے کندھے پر موت

کانپور: کمسن لڑکے کی باپ کے کندھے پر موت



اڑیسہ کے بعد اب اترپردیش کے شہر کانپور میں ایک اور شرمناک واقعہ پیش آیا ہے جس میں ایک شخص کو اپنے بارہ سالہ بیمار بیٹے کو کندھے پر اٹھاکر مختلف دواخانو ں کی طرف بڑھتے ہوئے دیکھا گیا ہے ۔ بتایا گیا ہے کہ یہ واقعہ چھبیس اگست کو پیش آیا تھا ۔ جب کانپور کے فضل گنج علاقہ سے تعلق رکھنے والے بارہ سالہ انش نامی لڑکے کو شدید بخار کے باعث دواخانہ میں شریک کرایا گیا تھا ۔ خانگی دواخانہ میں دو دن علاج کے بعد انش کے والد نے اسے ہیلٹ ہاسپٹل منتقل کیا ۔ دواخانہ کے ڈاکٹرس نے انش کے والد سے کہا کہ اسے بچوں کے وارڈ لے جایا جائے ۔ اور جب دواخانہ میں ایمبولنس کا اسٹریچر نہیں تھا انش کے والد سنیل نے اپنے بارہ سالہ بچے کو اپنے کندھے پر اٹھاکر دوڑتے ہوئے بچوں کے وارڈ لے گیا تب تک انش اپنے والد کے کندھے پر ہی دم توڑ چکا تھا ۔ متوفی انش کے والد نے بتایا کہ ان کا بیٹا شدید بخار میں مبتلا تھا وہ ایک اچھا اسٹوڈنٹ تھا ۔ اس نے یہ بھی کہا کہ چلڈرنس وارڈ کے ڈاکٹر نے یہ کہا کہ اگر وہ دس منٹ پہلے آیا ہوتا تو ان کے بچہ کو بچایا جاسکتا تھا لیکن ہائلیٹ ہاسپٹل کے انتظامیہ کی لاپرواہی نے ایک کمسن بچہ کو موت کے منہ میں ڈھکیل دیا ۔ سنیل نے بتایا کہ اسے اسٹریچر تک فراہم نہیں کیا گیا اور اسے بیمار بیٹے کو کندھے پر اٹھاکر چلڈرنس وارڈ لے جانا پڑا ۔ آج سب کا ساتھ سب کا وکاس ‘ میک ان انڈیا جیسے نعرے لگائے جاتے ہیں۔ ملک کی ترقی کے دعوے کئے جاتے ہیں۔ لیکن ایک معصوم بچہ سہولتیں نہ ملنے سے اپنے باپ کے کندھے پر دم توڑ دیتا ہے ۔ باپ کی سسکیاں دب جاتی ہیں اور آنسو سوکھ جاتے ہیں۔ لیکن ارباب مقتدر کی کانوں تک جوں تک نہیں رینگتی ۔ اڑیسہ میں بھی ایسا ہی ہوا اور اب کانپور میں انش کی موت ہوئی ۔ کیا یہ واقعات حکومتوں کے ذہنوں کو جھنجھوڑنے کیلئے کافی نہیں ہے یا پھر وہ ہمیشہ کی طرح کسی اور بڑے واقعہ کا انتظار کررہے ہیں کہ اس کے بعد ہی کوئی انتظام کیا جائے یا اقدام کیا جائے ۔ یہ واقعہ نہ صرف انسانیت بلکہ پورے ملک کیلئے شرمناک ہیں۔

Monday, 29 August 2016

تلنگانہ اورآندھراپردیش کے علاوہ کرناٹک کے عازمین خیریت کے ساتھ ارض مقدس حجاز پہنچ گئے

تلنگانہ اورآندھراپردیش کے علاوہ کرناٹک کے عازمین خیریت کے ساتھ ارض مقدس حجاز پہنچ گئے



تلنگانہ محکمہ اقلیتی بہبود کے سکریٹری عمرجلیل نے بتایا ہے کہ ریاست تلنگانہ اورآندھراپردیش کے علاوہ کرناٹک کے عازمین خیریت کے ساتھ ارض مقدس حجاز پہنچ گئے ہیں۔ میڈیا سے بات کرتے ہوئے عمر جلیل نے بتایاکہ تلنگانہ سے دوہزار چھ سوبیس‘آندھرا پردیش سے ایک ہزار چھ سواڑتالیس اور کرناٹک کے چھ سوبتیس عازمین حیدرآباد سے روانہ ہوئے ہیں۔عمرجلیل نے بتایاکہ ایک ہزار سات سوچالیس عازمین گرین زمرے اور دوہزار سات سو اکیانوے عازمین عزیزیہ زمرے کے تحت روانہ ہوئے ہیں۔ رباط میں تین سواکہتر عازمین کے قیام کے انتظامات کئے گئے ہیں۔ عمر جلیل نے بتایاکہ اس سال سترہ ہزار تین سونوے درخواستیں موصول ہوئی تھیں۔اس موقع پر ایس اے شکور بھی موجودتھے۔
اکبرالدین اویسی نے گورنمنٹ جونیئر کالج کے ذمہ داروں کو دیڑھ لاکھ روپیہ کا چیک حوالے کیا۔

اکبرالدین اویسی نے گورنمنٹ جونیئر کالج کے ذمہ داروں کو دیڑھ لاکھ روپیہ کا چیک حوالے کیا۔



وقارآباد کے گورنمنٹ جونیئر کالج کے ذمہ داروں کو قائد مجلس مقننہ پارٹی اکبرالدین اویسی نے دیڑھ لاکھ روپیہ کی امداد کا چیک حوالے کیا۔ اکبراویسی کے دورے کے موقع پر کالج کی طالبات نے کالج میں بنیادی سہولتوں کی کمی اور ان کو پیش آنے والے معاشی مسائل پر توجہ دلائی تھی جس پر انہوں نے ان طالبات کو دارالسلام آنے کیلئے کہاتھا۔ طالبات‘ کالج کے ذمہ داروں کے ساتھ دارالسلام پہنچیں اور کالج کے حالات سے واقف کروایا۔ طالبات نے بتایا کہ کالج میں کلاس رومس اور بنچس کی کمی ہے اور بائی پی سی تعلیم حاصل کرنے والی طالبات کے لئے تعلیم کانظم نہیں ہے جس کی وجہ سے انہیں اس کا انتظام خود کرنا پڑرہا ہے۔ اس مقصد کیلئے انہیں فی الفور دیڑھ لاکھ روپیوں کی ضرورت ہے جس پر اکبراویسی نے دیڑھ لاکھ روپیہ کا چیک ان کے حوالے کیا اور تیقن دیاکہ ان کے دیگرمسائل کی یکسوئی کے لئے بھی نمائندگی کی جائے گی۔
جی ایس ٹی بل تلنگانہ کی کابینہ میں منظور

جی ایس ٹی بل تلنگانہ کی کابینہ میں منظور



تلنگانہ کابینہ نے جی ایس ٹی بل کو منظوری دیدی ہے۔ پیر کو وزیراعلیٰ کے چندرشیکھرراؤ کی قیادت میں دوگھنٹوں تک تلنگانہ کابینہ کا اجلاس جاری رہا۔ اجلاس میں منگل کو طلب کئے گئے اسمبلی کے خصوصی اجلاس کے سلسلے میں تبادلہ خیال کیاگیا۔ اس بات کا فیصلہ لیاگیاکہ صرف ایک ہی دن اسمبلی اجلاس منعقدکیاجائے گااور اس اجلاس میں جی ایس ٹی بل کوپیش کرتے ہوئے اسے منظوری دی جائے گی۔ کابینہ کے اجلاس میں نئے اضلاع کی تشکیل پربھی تبادلہ خیال کیاگیا۔اس سلسلے میں ٹاسک فورس کمیٹی کے قیام کا فیصلہ کیاگیا۔ یہ کمیٹی کا اندرون تین یوم اجلاس بھی منعقدہوگا۔ چیف سکریٹری کی قیادت میں یہ کمیٹی قائم کی جائے گی۔ سائبرآباد کمشنریٹ کی تقسیم کو کابینہ نے منظوری دی ہے۔ دیوا دیوالیا ٹرسٹ کے ارکان کی تعداد میں اضافہ کوبھی منظوری دی گئی۔ مہاراشٹرا حکومت کے ساتھ کئے گئے آبپاشی معاہدوں پر بھی اپوزیشن کی طرف سے کی جارہی تنقیدوں کاجائزہ لیاگیا۔
ہماچل پردیش کے شملہ اور رامپور کے علاقوں میں مسلسل زلزلوں کے جھٹکے

ہماچل پردیش کے شملہ اور رامپور کے علاقوں میں مسلسل زلزلوں کے جھٹکے



ہماچل پردیش کے شملہ اور رامپور کے علاقوں میں مسلسل زلزلوں کے جھٹکوں سے عوام میں خوف کا ماحول دیکھا جارہا ہے ۔ زلزلہ کے جھٹکوں کی وجہ سے عوام گھروں کے باہر رات گزارنے پر مجبور ہیں۔ بتایا گیا ہے کہ رات کے اوقات میں دو تا تین بار زلزلے کے جھٹکے محسوس کئے جارہے ہیں اور وہ بچوں کے ساتھ سڑکوں پر رات گزارنے پر مجبور ہیں۔
اسکراپ کی دکان سے بڑی مقدار میں راکٹ لانچرس برآمد

اسکراپ کی دکان سے بڑی مقدار میں راکٹ لانچرس برآمد


پنجاب پولیس نے امرتسر میں اسکراپ کی دکان سے بڑی مقدار میں راکٹ لانچرس کو برآمد کیا ہے ۔ اطلاع ملنے پر پنجاب پولیس کی ٹیم اسکراپ کی دکان پہونچی وہاں انہو ں نے راکٹ لانچر کے علاوہ بڑی مقدار میں کارتوس بھی برآمد ہوئے ۔ پولیس اس سلسلہ میں پوچھ تاچھ کررہی ہے ۔
تاملناڈو میں مجلس کو بنیادی سطح پر مضبوط کیاجائے گا

تاملناڈو میں مجلس کو بنیادی سطح پر مضبوط کیاجائے گا



مجلس کے صدر بیرسٹراسدالدین اویسی نے کہا ہے کہ تاملناڈو میں مجلس کو بنیادی سطح پر مضبوط کیاجائے گا۔ تاملناڈو کے ویلورمیں میڈیا سے بات کرتے ہوئے بیرسٹر اویسی نے کہا کہ ریاست تاملناڈومیں مسلمانوں کی پسماندگی کو دورکرنے اور ان کے مسائل کو ایوان میں اٹھانے کے لئے مسلم جماعت کی ضرورت ہے۔ صدرمجلس نے پاکستان کے ساتھ مذاکرات کے جموں وکشمیر کے وزیراعلی محبوبہ مفتی کی تجویز پر کہا کہ پاکستان کے ساتھ بات چیت کی جانی چاہیے لیکن اس سلسلے میں ایک پالیسی وضع کی جائے۔ انہوں نے کہا کہ وادی میں امن وسکون کو بحال کرنا اولین ترجیح ہونی چاہیے۔ بیرسٹر اویسی نے برہان وانی کے والد کی سری سری روی شنکر کے کیمپ میں شرکت سے متعلق سوال پر کہا کہ اگر یہی برہان وانی کے والد کسی مسلمان شخص سے ملاقات کرتے تو ایک ہنگامہ کھڑا کردیاجاتا۔ بیرسٹر اویسی نے بی جے پی کے قومی صدر امیت شاہ کے قوم پرستی سے متعلق رہنمایانہ خطوط پربھی اعتراض کیا۔
سندھو ‘ ساکشی ملک ‘ دیپاکرماکر اور جیتو رائے کو راجیو گاندھی کھیل رتن ایوارڈ

سندھو ‘ ساکشی ملک ‘ دیپاکرماکر اور جیتو رائے کو راجیو گاندھی کھیل رتن ایوارڈ



صدر جمہوریہ پرنب مکرجی نے آج اولمپک میڈلسٹ پی وی سندھو ‘ ساکشی ملک ‘ دیپاکرماکر اور جیتو رائے کو راجیو گاندھی کھیل رتن ایوارڈ سے نوازا ہے ۔ راشٹراپتی بھون میں منعقدہ تقریب میں صدر جمہوریہ کے ہاتھوں درونا چاریہ اور ارجن ایوارڈس کی بھی تقسیم عمل میں آئی ۔ پرادیپ کمار ‘ مہاویر سنگھ ‘ ناگا پوری رمیش ‘ ساگر مل دھیال ‘ ویشویشور نندی اور راجکمار شرما کو درونا چاریہ ایوارڈس دیئے گئے ۔ ارجن ایوارڈ پانے والوں میں ویریندر سنگھ ‘ سندیپ سنگھ ‘ وینیش پھوگٹ ‘ وی آر رگھوناتھ ‘ رانی ‘ سبرتا پال ‘ شیواتھاپا ‘ رجت چوہان اور للیتا بابر شامل ہیں۔
اعظم خان کو پاکستان منتقل ہوجانا چاہئے : سنگیت سوم

اعظم خان کو پاکستان منتقل ہوجانا چاہئے : سنگیت سوم



بی جے پی مظفر نگر کے رکن اسمبلی سنگیت سوم نے کہا ہے کہ اعظم خان کو پاکستان منتقل ہوجانا چاہئے ۔ میڈیا سے بات کرتے ہوئے سنگیت سوم نے کہا کہ اعظم خان دل سے یہی چاہتے ہیں کہ وہ پاکستان جائیں ۔ سنگیت سوم نے یہ بھی کہا کہ اعظم خان پہلے بھی یہ کہہ چکے ہیں کہ ہمارے اجداد نے غلطی کی تھی کیونکہ انہیں پاکستان چلے جانا چاہئے ۔
منگلور: کالج انتظامیہ کی طرف سے برقعہ پر پابندی کے خلاف طلباء کا احتجاج

منگلور: کالج انتظامیہ کی طرف سے برقعہ پر پابندی کے خلاف طلباء کا احتجاج



کرناٹک کے منگلورمیں خانگی کالج انتظامیہ کی طرف سے برقعہ پر پابندی کے خلاف طلباء کا احتجاج جاری ہے۔ بتایاگیاہے کہ سرینواسا گروپ آف کالجس کی طرف سے کلاس روم میں برقعہ پہن کر آنے پر پابندی عائد کی گئی تھی فارمیسی کے اس کالج میں طلباء نے احتجاج کرتے ہوئے کہا کہ ان کے دستوری حق کی خلاف ورزی کی جارہی ہے۔ بعض طلباء نے یہ بھی الزام لگایا کہ مسلم لڑکوں کو داڑھی بڑھانے پر بھی اعتراض کیاجارہاہے۔ طلباء کے اس احتجاج کی وجہ سے کالج میں حالات کشیدہ دیکھے گئے۔ معلوم ہواہے کہ کالج انتظامیہ نے ایک سرکولر جاری کیاتھا جس میں یہ کہاگیا تھا کہ برقعہ میں لڑکیاں کلاسس میں داخل نہیں ہوسکتی۔ مختلف تنظیموں نے سرینواس گروپ آف کالجس کے اس اقدام پر شدید برہمی ظاہرکی ہے۔
بیف کے استعمال کے بعد ہی بولٹ نے میڈلس جیتنا شروع کیا تھا

بیف کے استعمال کے بعد ہی بولٹ نے میڈلس جیتنا شروع کیا تھا



بی جے پی کے رکن پارلیمنٹ اودت راج نے جمائیکا کے اتھیلیٹ یوسین بولٹ کے مظاہرہ پر بیف کے استعمال کے اپنے مبینہ ٹوئٹ پر وضاحت کی ہے ۔ میڈیا سے بات کرتے ہوئے اودت راج نے کہا کہ انہوں نے صرف بولٹ کے ٹیچر کا حوالہ دیا تھا جس نے یہ کہاتھا کہ غریب گھر سے تعلق رکھنے کی وجہ سے کوچ نے دو مرتبہ بیف استعمال کرنے کا مشورہ دیا تھا ۔ تاکہ پروٹین میں اضافہ ہو اور بہتر مظاہرہ کرسکے اور بیف کے استعمال کے بعد ہی بولٹ نے میڈلس جیتنا شروع کیا تھا ۔ اودت راج نے کہا کہ ہمارے کھلاڑیوں کو شکوے شکایتیں کرنے کے بجائے کھیل پر توجہ دیتے ہوئے میڈلس حاصل کرنے چاہئیں ۔ ٹوئٹر پر بھی اودت راج کے ان کے کوچ سے منسوب بیان کو لے کر کافی بحث چل رہی ہے ۔
مینمار اور ہندوستان کے درمیان اہم معاہدوں پر دستخط

مینمار اور ہندوستان کے درمیان اہم معاہدوں پر دستخط



ہندوستان اور مینمار کے درمیان ٹکنالوجی ،انفراسٹرکچر اور تعلیم کے شعبہ جات میں اہم معاہدوں پر دستخط ہوئے ہیں۔ مینمار کے صدر حتین کیو اور وزیراعظم نریندرمودی کے درمیان ملاقات کے بعدان معاہدوں پر دستخط کئے گئے۔ بعدمیں مشترکہ میڈیا کانفرنس سے خطاب کرتے ہوئے وزیراعظم نے کہا کہ مینمار کا سنہرا مستقبل ہندوستان کی خواہش ہے۔وزیراعظم نے یہ بھی یقین دلایا کہ ہندوستان کے ایک سوپچس ملین عوام مینمار کے ساتھ ہیں۔ وزیراعظم نے کہا کہ شعبہ صحت میں بھی ہندوستان مینمار کو تعاون فراہم کرے گا۔ مینمار کے صدرنے بھی ہندوستان کے ساتھ بہترتعلقات کی برقراری پر یقین دلایا۔ بتایاگیاہے کہ چار یادداشت مفاہمت پر دونوں ممالک کے درمیان معاہدے کئے گئے ہیں۔
وادی کشمیر کے عوام کو راحت ۔بیشتر علاقوں میں کرفیو میں نرمی

وادی کشمیر کے عوام کو راحت ۔بیشتر علاقوں میں کرفیو میں نرمی



اکاون دنوں سے کرفیو کا سامنا کررہے وادی کشمیر کیبیشتر علاقوں میں کرفیو میں راحت دی گئی ہے۔ تاہم حکام نے بتایا کہ پلوامہ ٹاون اوراس کے حدودمیں امتناعی احکامات نافذ رہیں گے۔ اتوار کی رات اعلی سیکوریٹی اجلاس کے بعد کرفیو میں نرمی دینے کا فیصلہ کیاگیاہے۔ اس دوران یہ اطلاع ملی ہے کہ مرکزی وزیر داخلہ راجناتھ سنگھ کی قیادت میں ایک اعلی سطحی کل جماعتی وفد تین ستمبر کو وادی کاد ورہ کرے گا۔ اس دوران وادی کی علیحدگی پسند تنظیموں نے کرفیو ہٹائے جانے کے بعد بھی اپنے احتجاج کو ایک ستمبر تک جاری رکھنا اعلا ن کیاہے۔ واضح رہے کہ آٹھ جولائی کو حزب المجاہدین کے عسکریت پسند برہانی وانی کی سیکوریٹی فورسیس کے ساتھ انکاونٹر میں ہلاکت کے بعد احتجاج پھوٹ پڑا تھا اور اب تک اکہیتر افراد جاں بحق ہوچکے ہیں۔ وادی میں اب بھی حالات کشیدہ بتائے گئے ہیں۔

Sunday, 28 August 2016

Saturday, 27 August 2016

مہاراشٹرا کے ساتھ کئے گئے آبپاشی معاہدوں کا صدرمجلس نے کیا خیر مقدم

مہاراشٹرا کے ساتھ کئے گئے آبپاشی معاہدوں کا صدرمجلس نے کیا خیر مقدم



مجلس کے صدر بیرسٹر اسدالدین اویسی نے مہاراشٹرا کے ساتھ آبپاشی پراجکٹس کے لئے کئے گئے معاہدوں کا خیرمقدم کیاہے۔ میڈیا سے بات کرتے ہوئے بیرسٹراویسی نے کہا کہ اس معاہدے سے چالیس لاکھ ایکراراضی کو سیراب کیاجاسکے گا۔ اورریاست کو دوسوپچاس ٹی ایم سی پانی بھی حاصل ہوگا۔صدرمجلس نے ان معاہدوں پر کانگریسی قائدین کی طرف سے کی جارہی تنقیدوں کی مذمت کی۔ انہوں نے کہا کہ ریاست میں کانگریس غیر منظم ہوکررہ گئی ہے۔ کانگریسی قائدین کے بیانات میں تضاد پایاجاتاہے۔ بیرسٹراویسی نے بتایا کہ قائد اپوزیشن جانا ریڈی کہتے ہیں کہ دوہزار چار سے دوہزار چودہ تک مہاراشٹرا کے ساتھ کسی بھی طرح کا معاہد ہ نہیں ہوا ہے۔ بیرسٹر اویسی نے کہا کہ کانگریسی قائدین کو حکومت پر تنقیدیں کرنے کے بجائے ایک کروڑایکر اراضی کے سیراب کرنے کے وعدے کو پورا کرنے کے لئے دباؤڈالنا چاہیے۔
مہاراشٹرا کے ساتھ کئے گئے آبپاشی معاہدوں کا صدرمجلس نے کیا خیر مقدم

مہاراشٹرا کے ساتھ کئے گئے آبپاشی معاہدوں کا صدرمجلس نے کیا خیر مقدم



مجلس کے صدر بیرسٹر اسدالدین اویسی نے مہاراشٹرا کے ساتھ آبپاشی پراجکٹس کے لئے کئے گئے معاہدوں کا خیرمقدم کیاہے۔ میڈیا سے بات کرتے ہوئے بیرسٹراویسی نے کہا کہ اس معاہدے سے چالیس لاکھ ایکراراضی کو سیراب کیاجاسکے گا۔ اورریاست کو دوسوپچاس ٹی ایم سی پانی بھی حاصل ہوگا۔صدرمجلس نے ان معاہدوں پر کانگریسی قائدین کی طرف سے کی جارہی تنقیدوں کی مذمت کی۔ انہوں نے کہا کہ ریاست میں کانگریس غیر منظم ہوکررہ گئی ہے۔ کانگریسی قائدین کے بیانات میں تضاد پایاجاتاہے۔ بیرسٹراویسی نے بتایا کہ قائد اپوزیشن جانا ریڈی کہتے ہیں کہ دوہزار چار سے دوہزار چودہ تک مہاراشٹرا کے ساتھ کسی بھی طرح کا معاہد ہ نہیں ہوا ہے۔ بیرسٹر اویسی نے کہا کہ کانگریسی قائدین کو حکومت پر تنقیدیں کرنے کے بجائے ایک کروڑایکر اراضی کے سیراب کرنے کے وعدے کو پورا کرنے کے لئے دباؤڈالنا چاہیے۔
گرگاؤں میں سڑک چھاپ افراد کے خلاف کریک ڈاون

گرگاؤں میں سڑک چھاپ افراد کے خلاف کریک ڈاون



گرگاؤں میں سڑک چھاپ افراد کے خلاف مقامی پولیس کی طرف سے بڑے پیمانے پر کریک ڈاون کیاگیاہے۔ پولیس نے بس اسٹیشنس ، اور دوسرے عوامی مقامات پر دھاوے کرتے ہوئے لڑکیوں سے چھیڑ چھاڑمیں ملوث متعدد افراد کو گرفتارکرلیا۔ مقامی پولیس نے بتایاہے کہ علاقے میں لڑکیوں کے ساتھ چھیڑ چھاڑ کے واقعات کی اطلاعات ملی تھیں اور اسی کی وجہ سے کریک ڈاون کیاگیاہے۔ گرفتار کئے گئے افراد کو پولیس اسٹیشن منتقل کردیاگیاہے۔
مغربی بنگال : میڈیکل کالج میں آتشزدگی کے واقعہ میں دو افراد ہلاک

مغربی بنگال : میڈیکل کالج میں آتشزدگی کے واقعہ میں دو افراد ہلاک



مغربی بنگال کے مرشد آباد ضلع کے میڈیکل کالج میں آتشزدگی کے واقعہ میں دو افراد ہلاک ہوگئے ہیں۔ بتایا گیا ہے کہ آج دوپہر ساڑے بارہ بجے مردوں کے آپریشن وارڈ میں آگ لگ گئی ۔ فائر بریگیڈ کے عملہ کے پہونچنے تک آگ نے میڈیکل کالج کے کئی حصہ کو اپنی لپیٹ میں لے لیا جس سے دواخانہ میں افراتفری مچ گئی اور مریضوں کو چیخ و پکار کرتے ہوئے اور اپنی جان بچاکر باہر نکلتے ہوئے دیکھا گیا ۔ بعض مریض کھڑکیوں سے کود کر بھی باہر نکل پڑے ۔ بتایا گیا ہے کہ دواخانہ میں احتیاطی اقدامات نہیں کئے گئے تھے ۔
پیاز کی کاشت کرنے والے کسانوں کو کافی نقصان کا سامنا

پیاز کی کاشت کرنے والے کسانوں کو کافی نقصان کا سامنا



مرکزی وزیر نتن گڈکری نے بتایا ہے کہ مہاراشٹرا میں کہا ہے کہ پیاز کی کاشت کرنے والے کسانوں کو کافی نقصان کا سامنا کرنا پڑ رہا ہے ۔ میڈیا سے بات کرتے ہوئے گڈکری نے کہا کہ ملک میں پیاز کی قیمت میں غیر معمولی کمی واقع ہوئی ہے جس سے کاشت کاروں اور ٹھوک تاجرین کو کافی مشکلات پیش آرہی ہیں۔ نتن گڈکری نے کہا کہ مہاراشٹرا حکومت کو اس سلسلہ میں جو بھی مدد چاہئے اسے فراہم کی جائے گی ۔
مراد آباد میں پراسرار بخار کی وجہ سے کئی افراد متاثر

مراد آباد میں پراسرار بخار کی وجہ سے کئی افراد متاثر



اترپردیش کے مراد آباد میں پراسرار بخار کی وجہ سے کئی افراد متاثر ہوئے ہیں۔ درجنوں کو دواخانہ میں داخل کیا گیا ہے لیکن دواخانوں میں موثر سہولتیں دستیاب نہیں ہے ۔ مریضوں نے شکایت کی ہے کہ موثر توجہ نہ ملنے کی وجہ سے ان کی حالت اور بھی بگڑ رہی ہے ۔ اب تک متعدد افراد کے فوت ہونے کی بھی اطلاعات ملی ہیں۔ بانڈہ ضلع میں بھی پراسرار بیماری سے اموات ہوئی ہیں۔
اترپردیش کے مرزا پورمیں سیلاب کی صورتحال اب بھی سینگین

اترپردیش کے مرزا پورمیں سیلاب کی صورتحال اب بھی سینگین



اترپردیش کے مرزا پورمیں سیلاب کی صورتحال اب بھی سینگین بنی ہوئی ہے۔ کئی دیہاتوں میں سیلاب کا پانی داخل ہوگیاہے۔ سمندری سانپ اور مگرمچھ بھی رہائشی علاقوں میں داخل ہوگئے ہیں۔ انتظامیہ کی جانب سے مقامی عوام کی مدد سے مگرمچھ کو پکڑ دوبارہ پانی میں چھوڑا جارہاہے۔
ہم اب بھی امید کرتے ہیں کہ کشمیر کے مسئلہ پر بات چیت ہونی چاہئے

ہم اب بھی امید کرتے ہیں کہ کشمیر کے مسئلہ پر بات چیت ہونی چاہئے



 ہندوستان میں متعین پاکستانی ہائی کمشنر عبدالباسط نے کہا ہے کہ ہم اب بھی امید کرتے ہیں کہ کشمیر کے مسئلہ پر بات چیت ہونی چاہئے اور کشمیر کے مسئلہ کا حل کشمیریوں کی امنگوں کے مطابق ہونا چاہئے ۔ میڈیا سے بات کرتے ہوئے عبدالباسط نے کہا کہ پاکستان یہ امید کرتا ہے کہ مسئلہ کشمیر پر دونوں ممالک کے درمیان بات چیت کا سلسلہ آگے بڑھے گا ۔ محبوبہ مفتی کی طرف سے پاکستان پر کشمیر میں حالات کو متاثر کرنے کے سوال پر عبدالباسط نے کہا کہ یہ ان کی سونچ ہوسکتی ہے وہ اس بارے میں کچھ کہنا نہیں چاہتے ۔ داؤد ابراہیم کے پتہ سے متعلق پوچھے گئے سوال پر عبدالباسط نے زیادہ کچھ کہنے سے انکار کردیا لیکن اتنا کہا کہ یہ بات بہت پرانی ہوچکی ہے ۔
وادی کشمیر میں تشدد اور بندوقوں کے استعمال کو فوراً روکنا چاہیے: بیرسٹراسدالدین اویسی

وادی کشمیر میں تشدد اور بندوقوں کے استعمال کو فوراً روکنا چاہیے: بیرسٹراسدالدین اویسی



صدرمجلس ورکن پارلیمنٹ حیدرآباد بیرسٹراسدالدین اویسی نے کہا ہے کہ وادی کشمیر میں تشدد اور بندوقوں کے استعمال کو فوراً روکنا چاہیے۔ میڈیا سے بات کرتے ہوئے بیرسٹراویسی نے کہا کہ حکومت واجپائی کے منصوبے کی بات کرتی ہے لیکن اس پر عمل نہیں کیاجارہاہے۔ انہوں نے کہا کہ کشمیر وادی کے تمام جماعتوں سے حکومت کو بات کرتے ہوئے وادی میں امن وقانون کی بحالی کے لئے سنجیدہ اقدامات کرنے چاہیے۔ بیرسٹراویسی نے کہا کہ وادی میں اب بھی تشدد اورہلاکتوں کاسلسلہ جاری ہے اسے فوری طورپر روکا جاناچاہیے۔
کشمیر' پلوامہ :عسکریت پسندوں کی طرف سے کئے گئے حملہ میں پولیس ملازم ہلاک

کشمیر' پلوامہ :عسکریت پسندوں کی طرف سے کئے گئے حملہ میں پولیس ملازم ہلاک



کشمیر کے پلوامہ ضلع میں عسکریت پسندوں کی طرف سے کئے گئے حملہ میں پولیس ملازم ہلاک ہوگیا ہے ۔ مقامی سینئر پولیس عہدیدار نے بتایا ہے کہ کوئی دیہات سے اپنی ڈیوٹی پر جانے والے کانسٹبل خورشید احمد گنائی پر قریب سے گولی چلائی گئی جس سے ان کی برسر موقع موت واقع ہوگئی ۔ دو دن قبل بھی طلایہ گردی میں مصروف سکیوریٹی فورسس پر گرینیڈ پھینکے گئے تھے جس میں پندرہ سکیوریٹی ملازمین زخمی ہوگئے تھے ۔
کشمیرمیں کرفیواورامتناعی احکامات پچاسیوں دن میں داخل

کشمیرمیں کرفیواورامتناعی احکامات پچاسیوں دن میں داخل



جموں وکشمیر کی وزیراعلی محبوبہ مفتی نے کہاہے کہ پاکستان کشمیر وادی میں تشدد کو ہوا دے رہا ہے۔ دلی میں وزیراعظم نریندرمودی کے ساتھ ملاقات کے بعدمیڈیا سے بات کرتے ہوئے محبوبہ مفتی نے کہا کہ وزیراعظم مودی کی طرح ہم تمام کشمیر کی موجودہ صورتحال کو لیکر کافی فکرمند ہیں۔ محبوبہ مفتی نے یہ بھی کہا کہ سال دوہزار آٹھ سے ہی کشمیر کے حالات خراب ہیں۔ وزیراعظم نریندرمودی کی ستائش کرتے ہوئے محبوبہ مفتی نے کہا کہ وزیراعظم صورتحال کو بہتربنانے کی کوشش کررہے ہیں۔ جموں وکشمیر کی وزیراعلی نے پاکستان کے ساتھ بات چیت کے احیاء کی کوششوں کے لئے وزیراعظم اور وزیرداخلہ کی ستائش کی۔ انہوں نے یہ بھی کہ اب پاکستان پر منحصر ہے کہ وہ کشمیر میں امن چاہتاہے تو اسے سنجیدگی کا مظاہرہ کرناچاہیے۔ وزیراعلی نے یہ بھی کہا کہ ایک بہ حیثیت ماں وہ ان بچوں کے لئے فکرمند ہیں جو بعض عناصر کے جھانسے میں آکر تشدد کی راہ پر چل پڑے ہیں۔ اطلاع ملی ہے کہ مرکزی حکومت کشمیر میں بات چیت کے عمل کو آگے بڑھانے کے لئے دوٹیمیں روانہ کررہی ہے۔ محبوبہ مفتی نے کشمیر کے عوام اور مظاہرین سے اپیل کی ہے کہ انہیں ایک موقع دیاجائے۔ انہوں نے میڈیا سے بھی وادی میں امن کی بحالی کے لئے تعاون کی اپیل کی۔ انہوں نے اس بات کا اعتراف کیا کہ بی جے پی اور پی ڈی پی کے درمیان کشمیر کو لیکر مشترکہ ایجنڈے پر عمل نہیں ہوا ہے لیکن وزیراعظم مودی نے اس سلسلے میں تیقن دیاہے۔

Friday, 26 August 2016

حیدرآباد کے کونڈاپور علاقہ میں ایک اسکول بس آگ لگنے کا واقعہ

حیدرآباد کے کونڈاپور علاقہ میں ایک اسکول بس آگ لگنے کا واقعہ



حیدرآباد کے کونڈاپور علاقہ میں ایک اسکول بس آگ لگ جانے سے جلکر خاکستر ہوگئی ۔ اس واقعہ کے وقت بس میں کوئی بھی سوار نہیں تھے جس کی وجہ سے ایک بڑا حادثہ ٹل گیا ۔ بتایا گیا ہے کہ تکنیکی خرابی کی وجہ سے بس میں آگ لگ گئی ۔ اطلاع ملنے پر فائر بریگیڈ کے عملہ نے مقام واقعہ پہونچ کر آگ پر قابو پایا ۔
ڈکیتی کی واردات کے دوران ایک جوڑے کا قتل'دو خواتین کے ساتھ عصمت ریزی

ڈکیتی کی واردات کے دوران ایک جوڑے کا قتل'دو خواتین کے ساتھ عصمت ریزی



ہریانہ کے میوات علاقہ میں رہزنوں نے ڈکیتی کی واردات کے دوران ایک جوڑے کا قتل کرنے کے بعد اسی خاندان کی دو خواتین کے ساتھ عصمت ریزی بھی کی ہے ۔ مقامی پولیس کے عہدیدار جئے پرکاش نے بتایا ہے کہ اس واقعہ کے سلسلہ میں مقدمہ درج کرلیا گیا ہے اور خاتون سپرنٹنڈنٹ کو عصمت ریزی کی شکار خواتین کا بیان لینے کیلئے دواخانہ بھی بھیجا گیا ہے۔ متاثرہ خاندان کے نوجوان نعمت نے بتایا کہ رہزنوں نے پہلے ڈکیتی کی واردات انجام دی اور بعد میں ایک جوڑے کا قتل کیا اور دو خواتین کو اپنے ساتھ لے جاکر دھمکاکر ان کے ساتھ عصمت ریزی کی ۔ عصمت ریزی کی شکار ایک نابالغ لڑکی بھی بتائی گئی ہے۔ زخمیوں کو دواخانہ منتقل کردیا گیاہے۔ اس واقعہ سے علاقہ میں کشیدگی دیکھی جارہی ہے ۔
رکن اسمبلی وارث پٹھان کا  احتجاج

رکن اسمبلی وارث پٹھان کا احتجاج



مجلس کے بائیکلا کے رکن اسمبلی وارث پٹھان کی قیادت میں بی ایم سی کے تحت چلائے جانے والے اسکولس میں سوریہ نمسکار کو لازم قرار دیئے جانے کے خلاف اورنگ آباد میں احتجاج کیا گیا۔ اس موقع پر وارث پٹھان نے کہا کہ ملک کا دستور ہمیں اس بات کا حق دیتا ہے کہ ہم اپنے مدہب پر پوری طرح عمل کرسکتے ہیں ۔ انہوں نے کہا کہ ہم صرف اللہ کی عبادت کرتے ہیں اور ہمارا ایمان بھی یہی کہتا ہے ۔
تین طلاق کی دستوری حیثیت کے سلسلہ میں مرکزی حکومت کو نوٹس جاری

تین طلاق کی دستوری حیثیت کے سلسلہ میں مرکزی حکومت کو نوٹس جاری



سپریم کورٹ نے تین طلاق کی دستوری حیثیت کے سلسلہ میں مرکزی حکومت کو نوٹس جاری کی ہے۔ تفصیلات کے مطابق عشرت جہاں نامی خاتون نے اسے ٹیلی فون پر تین بار دی گئی طلاق کے سلسلہ میں اعلی عدالت سے رجوع ہوتے ہوئے درخواست داخل کی تھی۔ عدالت کی طرف سے مرکز کو نوٹس جاری کئے جانے کے بعد عشرت جہاں نے بتایا کہ اس نے پولیس میں بھی اپنے شوہر کے رویہ کے خلاف شکایت درج کرائی تھی اس نے بتایا کہ دبئی سے فون کرتے ہوئے اس کے شوہر نے فون پر طلقا دی تھی اور وہ انصاف کیلئے لڑائی لڑرہی ہے۔ عشرت جہاں نے بتایا کہ اسے سسرالی رشتہ داروں کی طرف سے بھی اذیتیں دی جارہی ہیں ۔
مجلس اتحادالمسلمین کو ایک فرقہ پرست جماعت :  وینکیا نائیڈو

مجلس اتحادالمسلمین کو ایک فرقہ پرست جماعت : وینکیا نائیڈو



مرکزی وزیر وینکیا نائیڈو نے ملک کی موجودہ صورتحال کے لیے کانگریس کو ذمہ دار ٹہرایا ہے۔ میڈیا سے بات کرتے ہوئے وینکیا نائیڈو نے کہا کہ کانگریس نے ہی ووٹ بینک پالیسی کو اپنایا۔ کانگریس کے اپنے مفادات کیلئے کیرالا میں مسلم لیگ اور حیدرآباد میں مجلس اتحادالمسلمین سے مفاہمت کی ۔ وینکیا نائیڈو نے مجلس اتحادالمسلمین کو ایک فرقہ پرست جماعت بھی قرار دیا۔
الہ آباد میں سیلاب کی وجہ سے کئی دیہات متاثر

الہ آباد میں سیلاب کی وجہ سے کئی دیہات متاثر



اترپردیش کے الہ آباد میں سیلاب کی وجہ سے کئی دیہات متاثر ہوئے ہیں۔ نشیبی علاقوں میں سینکڑوں افراد پھنسے ہوئے پائے گئے جنہیں محفوظ مقامات پر منتقل کیاگیاہے۔ شہر کے نشیبی علاقے اب بھی پانی میں ڈوبے ہوئے ہیں اور وہاں سے محصور عوام کو منتقل کیاجارہاہے۔
وزیراعظم نریندر مودی نے ہندوستان کو تبدیل کرنے کیلئے ذہنوں میں تبدیلی پر زور دیا

وزیراعظم نریندر مودی نے ہندوستان کو تبدیل کرنے کیلئے ذہنوں میں تبدیلی پر زور دیا



وزیراعظم نریندر مودی نے ہندوستان کو تبدیل کرنے کیلئے ذہنوں میں تبدیلی پر زور دیا ہے ۔ نیتی آیوگ پر لکچر دیتے ہوئے وزیراعظم نے کہا کہ آج ملک کی ترقی اداروں پر منحصر ہے اور ہمیں قوانین کو بھی تبدیل کرنا چاہیے ۔ وزیراعظم نے کہا کہ ٹکنالوجی کے حصول کے ذریعہ طریقہ کار میں تیزی سے تبدیلی کے عمل کو بڑھانا چاہیے۔وزیراعظم نے کہا کہ تیس سال قبل ملک پیچھے تھا لیکن آج آگے بڑھنے کی ضرورت ہے۔ وزیراعظم نے کہا کہ ملک کی نوجوان نسل آگے بڑھنے کی خواہش رکھتی ہے اور حکومت اپنے ماضی کی طرف دیکھنا نہیں چاہتی ۔ ہندوستان کو موجودہ چیالنجس سے نمٹنے کیلئے اقدامات کرنے چاہیے ۔
محمد اخلاق کے خاندان والوں کی گرفتاری پر حکم التوا

محمد اخلاق کے خاندان والوں کی گرفتاری پر حکم التوا



الہ آباد ہایئکورٹ نے دادری واقعہ میں شرپسندوں کی طرف سے ہلاک کئے گئے محمد اخلاق کے خاندان والوں کی گرفتاری پر حکم التوا جاری کیا ہے۔ واضح رہے کہ بعض تنظیموں کی طرف سے محمد اخلاق کے خاندان پر گھر میں گائے کا گوشت رکھے جانے کا الزام عائد کیا گیا تھا اور ایک مقامی عدالت کی ہدایت پر پولیس نے اخلاق مرحوم کے اخلاق خاندان پر گائے کا گوشت استعمال کرنے کے الزام کے تحت مقدمہ بھی درج کا تھا۔ ایف آئی آر میں محمد اخلاق مرحوم کی والدہ ‘ اہلیہ ‘ دختر اور دو بیٹوں کے نام بھی ملزمین کے طور پر شامل کئے گئے تھے۔ واضح رہے کہ گزشتہ سال چھبیس ستمبر کو برہم ہجوم نے دادری کے قریب واقع بشاڈا دیہات میں محمد اخلاق کے گھر پر حملہ کرتے ہوئے ان کا قتل کردیا تھا
ہائیکورٹ کے فیصلہ پر مسلم علماء اور قائدین نے شدید ردعمل

ہائیکورٹ کے فیصلہ پر مسلم علماء اور قائدین نے شدید ردعمل



ممبئی کی درگاہ حاجی علی سے متعلق بمبئے ہائیکورٹ کے فیصلہ پر مسلم علماء اور قائدین نے شدید ردعمل کا اظہار کیا ہے۔ دلی کے مولانا ساجد رشیدی نے اسے افسوسناک فیصلہ قرار دیا ہے۔ میڈیا سے بات کرتے ہوئے ساجد رشیدی نے کہا کہ اسلام میں خواتین کا قبر تک جانا حرام ہے۔ انہوں نے کہا کہ اسلام نے یہ واضح کردیا ہے کہ زندگی میں جس سے پردہ ہے مرنے کے بعد بھی ان سے پردہ رہے گا۔
درگاہ ٹرسٹ کی درخواست پر احکام پر چھ ہفتوں تک حکم التوا

درگاہ ٹرسٹ کی درخواست پر احکام پر چھ ہفتوں تک حکم التوا



 ایڈوکیٹ فیروز بوروالا نے بتایا ہے کہ درگاہ کے اندرون حصہ میں خواتین کے داخلہ پر پابندی کو عدالت نے ہٹادیا ہے ۔ میڈیا سے بات کرتے ہوئے ایڈوکیٹ بورالا نے بتایا ہے کہ عدالت کے اس فیصلہ پر درگاہ کے ٹرسٹ کی طرف سے سپریم کورٹ جانے کیلئے احکام پر آٹھ ہفتہ تک حکم التوا کی درخواست کی گئی تھی جس پر انہوں نے اعتراض کیا تھا لیکن عدالت نے اسے ایک اہم دستور سے جڑا مسئلہ قرار دیتے ہوئے چھ ہفتوں تک اپنے احکام پر حکم التوا عائد کی ہے ۔ جس کی وجہ سے ہائیکورٹ کے حکام پر چھ ہفتوں تک حکم التوا جاری رہیگا اس کے بعد ہی عدالت کے احکام پر عمل ہوگا۔
اس دوران مقدمہ کی وکیل نے بتایا ہے کہ ہائیکورٹ کا یہ ماننا تھا کہ درگاہ میں مزار تک رسائی کے لیے خواتین کا موقف جائز تھا۔ انہوں نے بتایا کہ عدالت کا یہ بھی کہنا تھا کہ درگاہ کے ٹرسٹیز نے دستور کے قوانین کی خلاف ورزی کی تھی ۔
 درگاہ حضرت حاجی علی کے اندرونی حصہ میں خواتین کو داخلہ کی ملی اجازت

درگاہ حضرت حاجی علی کے اندرونی حصہ میں خواتین کو داخلہ کی ملی اجازت



بمبئے ہائیکورٹ نے ممبئی کی حاجی علی درگاہ کے اندرونی حصہ میں خواتین کے داخلہ کی اجازت دے دی ہے ۔ جمعہ کو اپنے احکام میں ریاستی حکومت کو بھی اس بات کی ہدایت دی ہے کہ اس مقدمہ کے سلسلہ میں درخواست داخل کرنے والوں کو ممکنہ تحفظ فراہم کیا جائے۔ واضح رہے کہ بھوماتا بریگیڈ کی طرف سے اٹھائیس جون کو اس سلسلہ میں عدالت میں درخواست داخل کی گئی تھی ۔ ہائیکورٹ کی ڈیویژن بنچ کے جسٹس وی ایم کناڈے اور جسٹس ریوتی موہتے کی بنچ نے اس سلسلہ میں اپنے فیصلہ کو محفوظ کیا تھا ۔ درگاہ ٹرسٹ کی طرف سے ہائیکورٹ کے اس فیصلہ کے خلاف اعلی عدالت سے رجوع ہونے کا فیصلہ کیا گیا ہے ۔ تاہم عدالت نے درگاہ ٹرسٹ کی اپیل پر اپنے احکام پر چھ ہفتوں کیلئے حکم التوا جاری کیا ہے۔ مقامی مجلسی لیڈر حاجی رفعت نے بھی کہا ہے کہ عدالت کے اس فیصلہ کے خلاف سپریم کورٹ میں درخواست داخل کی جائے گی ۔ کئی علماء نے عدالت کے اس فیصلہ پر مایوسی کا بھی اظہار کیا ہے۔

Thursday, 25 August 2016

 مجرمانہ غفلت سے منتخبہ عازمین رباط میں رہائش سے محروم

مجرمانہ غفلت سے منتخبہ عازمین رباط میں رہائش سے محروم



عازمین حج کے رباط میں قیام کے لئے شفاف طریقہ کار اپنانے کی کوششوں کو نظام ٹرسٹ کے مقامی ذمہ داروں کی مجرمانہ غفلت کی وجہ سے شدید دھکا پہنچا ہے ۔جس کا نتیجہ یہ ہے کہ انہیں ارض مقدس پہنچنے والے ایسے عازمین جن کا نام قرعہ اندازی آچکا ہے انہیں رباط میں جگہ نہیں مل سکی ہے۔ مکہ میں رباط کے ذمہ دار نظام ٹرسٹ کا لیٹر مانگ رہے ہیں اورنظام ٹرسٹ کے ذمہ دار ویٹنگ لسٹ والے عازمین کولیٹر دے چکے ہیں۔ذرائع نے بتایاکہ جن چھ سو اسّی عازمین کا نام رباط کے لئے قرعہ میں آچکا ہے انہیں چوبیس گھنٹے پہلے اخبارات کے ذریعہ اطلاع دی گئی کہ فوری پہنچ کر لیٹر حاصل کریں ۔ایسے میں اضلاع کے عازمین بروقت نہیں پہنچ سکے۔نظام ٹرسٹ کے ذمہ داروں نے انتظار کئے بغیر ویٹنگ لسٹ والوں کو لیٹرس حوالے کردیئے جنہیں رباط میں قبول نہیں کیاجارہا ہے جس کی وجہ سے سارے عازمین پریشان ہیں ۔ اب یہ ارباب مجاز کی ذمہ داری ہے کہ وہ اس معاملے میں کی گئی دھاندلی یا غفلت کو بے نقاب کریں تاکہ عازمین کی عبادتیں متاثر نہ ہوسکے۔
کے سی آر‘وزیراعلیٰ کی طرح نہیں بلکہ گلی کے غنڈے کی طرح زبان استعمال کررہے ہیں : بھٹی وکرما آرکا

کے سی آر‘وزیراعلیٰ کی طرح نہیں بلکہ گلی کے غنڈے کی طرح زبان استعمال کررہے ہیں : بھٹی وکرما آرکا



کانگریس کے کارگذار صدر بھٹی وکرما آرکا نے کہا ہے کہ کے سی آر‘وزیراعلیٰ کی طرح نہیں بلکہ گلی کے غنڈے کی طرح زبان استعمال کررہے ہیں۔ میڈیا سے بات کرتے ہوئے بھٹی وکرما آرکا نے سوال کیا ہے کہ آخر وزیراعلیٰ کس بات کیلئے خوشیاں منارہے ہیں ۔ امبیڈکر سے موسوم پراجکٹس کی ری ڈیزائننگ کرتے ہوئے اُس کا نام تبدیل کرنے یاپھر ایک سوباون فٹ اونچائی کو ایک سواڑتالیس کرنے کی خوشیاں منائی جارہی ہے اس کی وضاحت ہونی چاہئے۔ کانگریس لیڈر نے کہاکہ مہاراشٹرا کے وزیراعلیٰ کے خاندان کی اراضی کوبچانے کے لئے پراجکٹ کی اونچائی کو کم کیاگیا ہے۔ بھٹی وکرما آرکا نے کہاکہ ٹی آر ایس پارٹی فیملی لمیٹیڈ کمپنی بن چکی ہے اوراپنے خاندان کے مفادات کے لئے اسّی ہزار کروڑروپئے کا بوجھ تلنگانہ عوام پرڈالاجارہا ہے۔کانگریسی قائدین کوجیل میں ڈالنے سے پہلے کے سی آر کوجیل میں ڈالنا چاہئے کیونکہ انہوں نے کانگریسی قائدین کوجل یگنم کے نام پر کروڑہا روپئے کے غبن کا الزام لگایاتھا۔