Monday, 29 February 2016

پاکستان : سابق پولیس ملازم ممتاز قادری کو پھانسی پر لٹکادیا گیا

پاکستان : سابق پولیس ملازم ممتاز قادری کو پھانسی پر لٹکادیا گیا


پاکستان کے صوبہ پنجاب کے گورنر سلمان تاثیر کا قتل کرنے والے سابق پولیس ملازم ممتاز قادری کو پھانسی پر لٹکادیا گیا ہے ۔ راولپنڈی کی اڈیالا جیل میں ممتاز قادری کو اتوار اور پیر کی درمیانی شب تختہ دار پر لٹکایا گیا ۔ پھانسی کے وقت دیئے جانے والے راستہ کی ناکہ بندی کردی گئی تھی اور ان کی لاش قانونی کارروائی کے بعد افراد خاندان کے حوالہ کردی گئی ۔ اس دوران سنی تحریک کی طرف سے جاری کئے گئے بیان میں کہا گیا ہے کہ ممتاز قادری کی نماز جنازہ منگل کی دوپہر راولپنڈی کے لیاقت باغ میں ادا کی جائے گی ۔ سزائے موت پر عمل آوری کے دوران امکانی احتجاج کے پیش نظر راولپنڈی اور اسلام آباد کے علاوہ ملک میں سخت سکیوریٹی انتظامات کئے گئے تھے ۔ بعض مقامات پر گاڑیوں پر سنگباری کرنے کی اطلاعات ملی ہے ۔ لاہور میں احتجاج کی وجہ سے میٹرو بس سرویس معطل کردی گئی جبکہ شہر میں دفعہ ایک سو چوالیس نافذ کرتے ہوئے جلسے اور جلوسوں پر پابندی لگادی گئی ہے ۔ ممتاز قادری کی پھانسی کے بعد بعض افراد کو تحویل میں لیا گیا ہے جو مبینہ طور پر ممتاز قادری کی حمایت میں مہم چلارہے تھے ۔ واضح رہے کہ چار جنوری دو ہزار گیارہ کو ممتاز قادری جو کہ پنجاب کے گورنر سلمان تاثیر کی سکیوریٹی پر تعینات تھے ‘ سرکاری بندوق سے فائرنگ کرتے ہوئے انہیں ہلاک کردیا تھا ۔
ورنگل کارپوریشن انتخابات: کانگریس نے اپنی انتخابی مہم میں شدت پیدا کردی

ورنگل کارپوریشن انتخابات: کانگریس نے اپنی انتخابی مہم میں شدت پیدا کردی


ورنگل کارپوریشن کے انتخابات کے لیے کانگریس نے اپنی انتخابی مہم میں شدت پیدا کردی ہے۔ آج ورنگل میں کانگریس قائدین بھٹا وکرامارکا ‘ سروے ستیہ نارائنہ ‘ پنالا لکشمیا‘ بلرام نائک اور دوسروں نے انتخابی مہم میں حصہ لیا۔ کانگریس قائدین نے ترقی کیلئے کانگریس کو ووٹ دینے کیع وام سے اپیل کی ۔
گلوکار محمد رفیع کے فرزند شاہد رفیع نے اپنے والد کو بھارت رتن دینے کا مطالبہ کیا

گلوکار محمد رفیع کے فرزند شاہد رفیع نے اپنے والد کو بھارت رتن دینے کا مطالبہ کیا



ہندی فلموں کے افسانوی گلوکار محمد رفیع کے فرزند شاہد رفیع نے اپنے والد کو بھارت رتن دینے کا مطالبہ کیا ہے۔ میڈیا سے بات کرتے ہوئے شاہد رفیع نے کہا کہ محمد رفیع ایک سیکولر شخص تھے۔ شاہد رفیع نے کہا کہ شاید وہ سمجھتے ہیں کہ مسلمانوں ہونے کی وجہ سے محمد رفیعک و ایوارڈ نہیں دیا گیا۔ شاہد رفیع نے بعض اخبارات میں وزیراعظم سے متعلق میڈیا میں آئی ان سے منسوب خبروں کو مستردکردیا۔ واضح رہے کہ یہ خبریں آئیں تھیں کہ شاہد رفیع نے مبینہ طور پر کہا تھا کہ نریندر مودی کے اقتدار میں مسلمان غیرمحفوظ ہیں ۔
رکن پارلیمنٹ رام شنکر کٹھاریہ کی طرف سے اشتعال انگیز تقریر کا ویڈیو منظر عام

رکن پارلیمنٹ رام شنکر کٹھاریہ کی طرف سے اشتعال انگیز تقریر کا ویڈیو منظر عام



مرکزی مملکتی وزیر برائے فروغ انسانی وسائل اور آگرہ کے رکن پارلیمنٹ رام شنکر کٹھاریہ کی طرف سے اشتعال انگیز تقریر کا ویڈیو منظر عام پر آیا ہے ۔ سنگھ پریوار کی طرف سے آگرہ میں وی ایچ پی کے کارکن ارون کی تعزیتی تقریب کے دوران مملکتی وزیر نے کہا کہ ارون کے قاتلوں کو پھانسی پر لٹکایا جائے ۔ انہوں نے یہ بھی کہا کہ ان کی وزارت انہیں اس طرح کے بیانات سے روک نہیں سکتی ۔ رام شنکر نے یہ بھی کہا کہ انتظامیہ کو یہ نہیں سمجھنا چاہئے کہ وہ اگر وزیر بن گئے ہیں تو ان کے ہاتھ بندھے ہوئے ہیں۔ مملکتی وزیر نے یہ بھی کہا کہ یہ اجلاس تو شروع ہوا ہے ۔ ہم اپنی مہم کو جاری رکھیں گے ۔ چہارشنبہ اور جمعہ کو ارون کی تعزیتی تقاریب منعقد کی جائیں گی ۔ ضرورت پڑے تو ہم سڑکوں پر بھی اتر آئیں گے ۔ اور کسی میں ہمت ہیں تو ہمیں روک کر دکھائیں ۔ انہوں نے ہندووں میں اتحاد پر بھی زور دیا ۔ اس موقع پر سنگھ پریوار کے دیگر قائدین نے بھی مسلمانوں کے خلاف اشتعال انگیز نعرے لگائے۔
تلنگانہ دوسری بار خشک سالی سے متاثر

تلنگانہ دوسری بار خشک سالی سے متاثر


ٹی آر ایس کی رکن پارلیمنٹ کویتا نے کہا کہ تلنگانہ دوسری بار خشک سالی سے متاثر ہوا ہے ۔ ریاست کا زرعی شعبہ کو خطرہ ہے ۔ ریاست میں کسان بھی خودکشی کررہے ہیں اور انہیں امید ہے کہ مرکزی حکومت اس سلسلہ میں اقدامات کرے گی ۔
کسانوں کے قرض معاف کرنے کے بارے میں بجٹ میں کچھ نہیں کیا گیا

کسانوں کے قرض معاف کرنے کے بارے میں بجٹ میں کچھ نہیں کیا گیا





کانگریس رکن پارلیمنٹ ملیکارجن کھرگے نے کہا ہے کہ کسانوں کے قرض معاف کرنے کے بارے میں بجٹ میں کچھ نہیں کیا گیا ہے۔ میڈیا سے بات کرتے ہوئے کھرگے نے کہا کہ دو سال سے خشک سالی کی وجہ سے کسان پریشان ہیں ۔ کالا دھن رکھنے والوں کو راحت دینے کے لیے پینتالیس فیصد ٹیکس لے کر اسے وائٹ بنانے کا حکومت مقصد رکھتی ہے پہلے بھی حکومت کارپوریٹر کے لیے کام کرتی تھی اور اب بھی کارپوریٹ کیلئے رعایتیں فراہم کی گئیں ہیں اور یہ بجٹ کارپوریٹ کیلئے ہے ۔
حکومت کا بجٹ وزیر اعظم نریندر مودی کے مشن کا حصہ ہے : وینکیا نائیڈو

حکومت کا بجٹ وزیر اعظم نریندر مودی کے مشن کا حصہ ہے : وینکیا نائیڈو


مرکزی وزیر برائے پارلیمانی امور وینکیا نائیڈو نے کہا ہے کہ حکومت کا بجٹ وزیر اعظم نریندر مودی کے مشن کا حصہ ہے ۔ میڈیا سے بات کرتے ہوئے وینکیا نائیڈو نے کہاکہ مزدور ‘ غریب ‘ کسان ‘ خواتین اور نوجوانوں کے علاوہ دیگر طبقات کو بجٹ میں اہمیت دی گئی ہے ۔ یہ ملک کیلئے اچھا ہے ۔ وزیر اعظم جو تبدیلی چاہتے تھے اس بجٹ کے ذریعہ وہ ممکن ہے ۔ انہوں نے کہا کہ ملک کے عوام اور دیہاتوں کے عوام کو اس سے کافی خوشی ہوگی ۔ انہوں نے کہا کہ ہاوزنگ کے شعبہ میں جو رعایتیں دی گئی ہیں۔ اس سے ملک کے عوام کا گھر بنانے کا خواب بھی پورا ہوگا ۔
وزیراعظم نریندر مودی نے بجٹ کے لیے وزیر فینانس ارون جیٹلی کو مبارکباد دی

وزیراعظم نریندر مودی نے بجٹ کے لیے وزیر فینانس ارون جیٹلی کو مبارکباد دی



وزیراعظم نریندر مودی نے بجٹ کے لیے وزیر فینانس ارون جیٹلی کو مبارکباد دی ہے ۔ اپنے پیام میں وزیراعظم نے کہا کہ گاوں ‘ غریب ‘ کسان ‘ خواتین اور نوجوانوں پر بجٹ میں خصوصی توجہ دی گئی ہے۔ انہوں نے کہا کہ ان کی زندگیوں میں معیاری تبدیلیاں لانے کیلئے اس بجٹ میں کئی اسکیمیں رکھی گئی ہیں۔ وزیراعظم نے کہا کہ یہ بجٹ غریبی سے آزادی دلانے کیلئے وقت کے تعین کے ساتھ حکمت عملی کو بھی ظاہر کرتا ہے ۔
ایس یو وی لکژری گاڑیاں‘ سگریٹ ‘ تمباکو اشیا ‘ موبائل کالس اور ہوٹل میں کھانا ہوا مہنگا

ایس یو وی لکژری گاڑیاں‘ سگریٹ ‘ تمباکو اشیا ‘ موبائل کالس اور ہوٹل میں کھانا ہوا مہنگا




وزیر فینانس ارون جیٹلی کی طرف سے پیش کئے گئے بجٹ میں تمباکو اشیا پر دس تا پندرہ فیصد کی اکسائز ڈیوٹی میں اضافہ کردیا گیا ہے جس سے سگریٹ ‘ پان مسالہ کی قیمتوں میں اضافہ ہوجائے گا ۔ جن اشیا کی قیمتوں میں اضافہ ہوا ہے ان میں برانڈیڈ ملبوسات ‘ آرٹی فیشیل اور غیرچاندی کی جیویلری‘ طلائی زیورات ‘ کمپیوٹرس ‘ موبائل فون ‘ سینما ٹکٹ ‘ فضائی سفر کے ٹکٹ ‘ ریسٹورنٹ میں کھانا‘ موبائل شرحوں میں اضافہ ‘ بیوٹی پارلرس سے جڑی ہوئی اشیا کی قیمتوں میں اضافہ ہوجائے گا ۔ ایس یو وی اور لکژری گاڑیوں کی قیمتوں میں بھی اضافہ ہوگا۔ جن چیزوں کی قیمتوں میں کمی آئے گی ان میں ڈائیلاسیس کے آلات ‘ ریفریجریٹرس اور چپلیں شامل ہیں ۔
انکم ٹیکس کی حد میں کوئی تبدیلی نہیں ۔ کسانوں ‘ فارم اور انفراسٹرکچر پر خصوصی توجہ

انکم ٹیکس کی حد میں کوئی تبدیلی نہیں ۔ کسانوں ‘ فارم اور انفراسٹرکچر پر خصوصی توجہ



مرکزی وزیر فینانس ارون جیٹلی نے آج لوک سبھا میں دو ہزار سولہ سترہ کا عام بجٹ پیش کیا ۔ انکم ٹیکس کی حد میں کوئی تبدیلی نہیں کی گئی ہے ۔ حکومت نے سال دو ہزار سولہ سترہ میں انیس عشاریہ سات آٹھ لاکھ کروڑ روپیے کے خرچ کا منصوبہ بنایا ہے۔ منوصبہ جاتی بجٹ کے تحت پانچ عشاریہ پانچ لاکھ کروڑ روپیے اور غیرمنصوبہ جاتی بجٹ کے تحت چودہ عشاریہ دو آٹھ لاکھ کروڑ روپیے خرچ کئے جائیں گے ۔ غیرمحسوب آمدنی کا انکشاف کرنے والوں کو پینتالیس فیصد ٹیکس رقم ادا کرنے کی رعایت دی گئی ہے ۔ بجٹ میں فارما ‘ انفراسٹرکچر اور کسانوں کیلئے اسکیموں کا اعلان کیا گیا ہے ۔ سطح غربت سے نیچے زندگی گزارنے والوں کو حکومت کیت عاون سے پکوان گیس فراہم کی جائے گی ۔ کسانوں کی آمدنی کو سال دو ہزار بائیس تک دوگنا کرنے کا بھی منصوبہ رکھا گیا ہے ۔نبارڈ کے تحت بیس ہزار کروڑ روپیے کا آبپاشی فنڈ رکھا جائے گا ۔ تین ہزار کروڑ روپیے نیوکلیائی توانائی کیلئے مختص کئے جائیں گے ۔ دو ہزار سولہ سترہ میں دس ہزار کیلو میٹر کی قومی شاہراہیں بنائی جائیں گی ۔ ساٹھ اسکوائر میٹر پر تعمیر کئے جانے والے مکانات پر سرویس ٹیکس عائد نہیں ہوگا ۔ پندرہ سو اسکل ٹریننگ انسٹی ٹیوٹ قائم کئے جائیں گے۔ تمام چھوٹی دکانوں کو ہفتہ کے سات دن کھلی رکھنے کی اجازت دی جائے گی ۔ مارچ دو ہزار سترہ تک تین لاکھ راشن کی دکانیں قائم کی جائیں گی۔ کمزور طبقات کیلئے تین اسکیمیں متعارف کی جائیں گی ۔منریگا کے لیے اڑتیس ہزار پانچ سو کروڑ روپیے مختص کئے جائیں گے۔ فارم شعبہ کیلئے پینتیس ہزار نو سو چوریاسی کروڑ روپیے کا بجٹ رہے گا۔ آبی وسائل انتظامیہ کیلئے ساٹھ ہزار کروڑ روپیے خرچ کئے جائیں گے۔ آبپاشی کیلئے انفراسٹرکچر کو بہتر بنانے کا بھی منصوبہ رکھا گیاہے۔ دیہاتوں میں سو فیصد برقی سربراہی کا بھی حکومت منصوبہ رکھتی ہے ۔ تین ہزار پانچ سو میڈیکل اسٹورس وزیراعظم جن آوشدھی یوجنا کے تحت کھولے جائیں گے ۔

Sunday, 28 February 2016

Saturday, 27 February 2016

جمعہ کی رات دو نوجوانوں پر نامعلوم اشرار کی طرف سے حملہ

جمعہ کی رات دو نوجوانوں پر نامعلوم اشرار کی طرف سے حملہ



چھتری ناکہ کے علاقہ میں جمعہ کی رات دو نوجوانوں پر نامعلوم اشرار کی طرف سے حملہ کا واقعہ پیش آیاہے۔ تفصیلات کے مطابق بنڈلہ گوڑہ کے ساکن سیداحمداور مغل پورہ کے ساکن نواب کو چھتری ناکہ آؤٹ پوسٹ کے پاس اشرار کے ایک گروپ نے بنا کسی وجہ کے آہنی سلاخوں سے حملہ کرتے ہوئے زخمی کردیا۔ اطلاع ملتے ہی مجلس کے رکن اسمبلی سیداحمد پاشاہ قادری اور مغل پورہ کے رکن پارلیمنٹ ابو راحیل نے پولیس اسٹیشن پہنچ کر اس سلسلے میں شکایت درج کروائی اوربعدمیں زخمی نوجوانوں کو عثمانیہ دواخانہ منتقل کروایا۔اس موقع پر فور ٹی وی سے بات کرتے ہوئے سیداحمد پاشاہ قادری نے بتایاکہ اشرار کی طرف سے نوجوانوں پر بے رحمی سے حملہ کیاگیا۔انہوں نے کہاکہ پولیس سے بھی مطالبہ کیاگیا ہے کہ اس واقعہ میں ملوث شرپسندوں کے خلاف سخت کاروائی کی جائے گی تاکہ شہر میں امن وبھائی چارگی کی فضاء متاثر نہ ہو۔ سیداحمد پاشاہ قادری نے کہاکہ چھتری ناکہ اور اس کے آس پاس کے علاقوں میں گزشتہ چند دنوں سے اشرار کی سرگرمیاں جاری ہیں۔ جس سے علاقہ میں امن وبھائی چارہ کا ماحول متاثرہورہا ہے۔مجلس کے رکن اسمبلی نے پولیس کے اعلیٰ عہدیداروں سے رابطہ کرتے ہوئے اس واقعہ کے ذمہ داروں کی فوری گرفتاری کامطالبہ کیا۔
ٹیچرس اہلیتی ٹسٹ کا شیڈول جاری کردیاگیا

ٹیچرس اہلیتی ٹسٹ کا شیڈول جاری کردیاگیا



ٹیچرس اہلیتی ٹسٹ کا شیڈول جاری کردیاگیا ہے۔یکم مار چ سے پندرہ مارچ تک آن لائن درخواستیں موصول کی جائیں گی۔ نو اپریل کوامتحان منعقدہوگا۔پہلا پرچہ صبح ساڑھے نوبجے سے دوپہر بارہ بجے تک اوردوسرا پرچہ دوپہر ڈھائی بجے سے شام پانچ بجے تک منعقدہوگا۔نتائج تیئس اپریل کوجاری کئے جائیں گے۔ اس سلسلہ میں اعلامیہ انتیس فروری کو جاری کیا جائے گا۔
چندرابابونائیڈو کا دورہ حکومت تغلق کے اقتدار کی یاد دلاتا ہے

چندرابابونائیڈو کا دورہ حکومت تغلق کے اقتدار کی یاد دلاتا ہے



وائی ایس آر سی پی کے لیڈر بی ستیہ نارائنہ نے کہا ہے کہ چندرابابونائیڈو کا دورہ حکومت تغلق کے اقتدار کی یاد دلاتا ہے۔میڈیا سے بات کرتے ہوئے بی ستیہ نارائنہ نے کہاکہ عوامی دباؤ کی وجہ سے ریت پالیسی میں تبدیلی لائی جارہی ہے۔ انہوں نے مطالبہ کیاکہ نئی ریت پالیسی کومتعارف کیاجائے۔انہوں نے یہ بھی کہاکہ مرکزی وزیر وینکیا نائیڈو اور وزیراعلیٰ چندرابابونائیڈو ایک دوسرے کی مدافعت کررہے ہیں اور ایک دوسرے کے ساتھ تعاون کررہے ہیں۔ وائی ایس آر سی پی کے قائد نے کہاکہ ریاست کے ساتھ دونوں قائدین نے انصاف نہیں کیا ہے۔ دونوں قائدین ذاتی مفاد کیلئے ریاست کے وسائل کا استعمال کررہے ہیں۔
ٹی آر ایس میں تلگودیشم پارٹی سے وابستہ قائدین کی شمولیت کا سلسلہ جاری

ٹی آر ایس میں تلگودیشم پارٹی سے وابستہ قائدین کی شمولیت کا سلسلہ جاری



ٹی آر ایس میں تلگودیشم پارٹی سے وابستہ قائدین کی شمولیت کا سلسلہ جاری ہے۔ ہفتہ کو قطب اللہ پور کے تلگودیشم قائدین ‘وارڈ ممبرس اور کارکنوں کی کثیرتعداد نے ریاستی وزرا ہریش راؤ اورمہیندر ریڈی سے ملاقات کرتے ہوئے ٹی آر ایس میں شمولیت اختیار کی۔ اس موقع پر ہریش راؤاورمہیندرریڈی نے کہاکہ تلنگانہ حکومت کی طرف سے کئے جارہے اقدامات اورعوام کے فلاح وبہبود کے کاموں سے متاثر ہوکر دوسری جماعتوں کے قائدین ٹی آر ایس میں شامل ہورہے ہیں۔ دونوں وزرا نے سنہرے تلنگانہ کے حصول کیلئے کام کرنے کا قائدین اورکارکنوں کو مشورہ دیا۔
میرٹھ میں اسکول بس کے الٹ جانے سے ایک طالب علم ہلاک

میرٹھ میں اسکول بس کے الٹ جانے سے ایک طالب علم ہلاک



اترپردیش کے شہر میرٹھ میں اسکول بس کے الٹ جانے سے ایک طالب علم ہلاک اور پچیس زخمی ہوگئے ہیں۔ مقامی میڈیکل آفیسر رمیش چندرا نے بتایا کہ پچیس بچوں کو زحمی حالت میں دواخانہ لایا گیا جن میں سے تین کی حالت نازک ہے ۔ بتایا گیا ہے کہ بس میں حادثہ کے وقت چالیس طلبہ سوار تھے ۔ اسکول ختم ہونے کے بعد یہ بس بچوں کو لے جارہی تھی کہ اچانک اُلٹ گئی ۔ سرپرستوں نے الزام لگایا کہ اسکول انتظامیہ کی طرف سے ناقص بسیں استعمال کی جارہی ہیں۔ مقامی پولیس اس سلسلہ میں تحقیقات کررہی ہے۔
نرسمہا را ؤ نے وعدہ کیا تھا کہ بابری مسجد کی ساری زمین ہندوؤں کے حوالے کی جائیگی : نر سمہا را ؤ

نرسمہا را ؤ نے وعدہ کیا تھا کہ بابری مسجد کی ساری زمین ہندوؤں کے حوالے کی جائیگی : نر سمہا را ؤ



بی جے پی کے لیڈر سبرامنیم سوامی نے انکشاف کیا ہے کہ انیس سو چوریانوے میں اس وقت کے وزیر اعظم نرسمہا راؤ نے سپریم کورٹ سے وعدہ کیا تھا کہ اگر یہ ثابت ہوجاتا ہے کہ رام جنم بھومی متنازعہ مقام پر ہی تھی اور بعد میں اسے مسجد بنایا گیا تو یہ ساری زمین ہندووں کے حوالہ کی جائے ۔ میڈیا سے بات کرتے ہوئے سبرامنیم سوامی نے کہا کہ حکومت کو اس وعدہ کو پورا کرنا ہوگا ۔ انہوں نے یہ بھی کہا کہ مسلمانوں کو یہ بات مان لینی چاہئے اور سریو ندی کے پاس مسجد بنالینا چاہئے اور ہم رام جنم بھومی کے پاس رام مندر بنالیں گے اور یہی ایک بہتر سمجھوتہ ہوگا ۔
کشمیر: جے این یو طلبہ کے خلاف کی گئی کارروائی پر آج ہڑتال جارہی

کشمیر: جے این یو طلبہ کے خلاف کی گئی کارروائی پر آج ہڑتال جارہی



کشمیر کے سری نگر اور دیگر علاقوں میں علحدگی پسند تنظیموں کی طرف سے جے این یو طلبہ کے خلاف کی گئی کارروائی پر آج ہڑتال کی جارہی ہے ۔ حریت کانفرنس اور اس کی محاذی تنظیموں کی طرف سے جے این یو کے لیڈر کنہیا کمار اور دہلی یونیورسٹی کے سابق پروفیسر ایس آر گیلانی کی گرفتاری پر گزشتہ چوبیس گھنٹوں کے دوران مختلف مقامات پر احتجاجی مظاہرے بھی کئے گئے ہیں ۔ مقامی شخص غلام جیلانی نے بتایا کہ جے این یو میں مسلمانوں کو نشانہ بنایا جارہا ہے اور انہیں جھوٹے مقدموں میں پھنسایا جارہا ہے ۔ جیلانی نے وزیر اعظم نریندر مودی پر مسلمانوں کو ہراساں کرنے کا الزام عائد کیا ۔
سیریل میں  کام کرنے کی وجہ سے  سمرتی ایرانی کو عادت پڑ چکی ہے ۔ اداکاری کی

سیریل میں کام کرنے کی وجہ سے سمرتی ایرانی کو عادت پڑ چکی ہے ۔ اداکاری کی



جے ڈی یو کے لیڈرکے سی تیاگی نے کہا ہے کہ ایکتا کپور کے سیریل میں طویل عرصہ سے کام کرنے کی وجہ سے مرکزی وزیر سمرتی ایرانی کو عادت پڑ چکی ہے ۔ اداکاری کی عادت مرکزی وزیر نے اب تک چھوڑی نہیں ہے ۔ تیاگی نے کہا کہ جو فلمی ڈائیلاگ انہوں نے راجیہ سبھا میں ادا کئے ہیں اس کی حقیقت بھی سامنے آچکی ہے ۔ تیاگی نے کہا کہ یہ کہنا کہ سر کٹادوں گی پارلیمنٹ کی تاریخ میں پہلی بار ہوا ہے ۔ جے ڈی یو لیڈر نے سمرتی ایرانی کو مشورہ دیا کہ انہیں اداکاری کو چھوڑ کر پارلیمنٹ کی روایات کو اختیارکرنا چاہئے ۔
ایشیاء کپ ٹورنمنٹ : ہندوستان اورپاکستان ہوں گے آمنے سامنے

ایشیاء کپ ٹورنمنٹ : ہندوستان اورپاکستان ہوں گے آمنے سامنے



بنگلہ دیش میں کھیلے جانے والے ایشیا کپ کرکٹ ٹورنمنٹ میں آج شام روایتی حریفوں ہندوستان اور پاکستان کی ٹیموں کے درمیان کانٹے کے مقابلہ کی توقع کی جارہی ہے ۔ ڈھاکہ میں کھیلا جانے والا یہ میاچ ہندوستان وقت کے مطابق رات سات بجے سے شروع ہوگا ۔ اس سے پہلے ایشیا کپ میں ہندوستان اور پاکستان کی ٹیمیں دس بار مقابلہ کرچکی ہیں اور دونوں نے پانچ پانچ بار کامیابی حاصل کی ہیں۔ دونوں ٹیموں کے درمیان آخری مرتبہ دو مارچ دو ہزار چودہ کو مقابلہ ہوا تھا اور ہندوستان نے دو سو چھیالیس رن کا نشانہ پاکستان کو دیا تھا ۔ شاہد افریدی نے اٹھارہ گیندوں میں چونتیس رنز بناکر آخری اوور میں اس نشانہ کو حاصل کرلیا تھا ۔ ایک روزہ میاچ کے بجائے ایشیا کپ میں ٹی ٹوئنٹی فارمٹ کے تحت میاچس کھیلے جارہے ہیں۔پاکستان کے مقابلہ ہندوستان پسندیدہ ٹیم سمجھی جارہی ہے ۔ دونوں ممالک کے کرکٹ شائقین میں اس میاچ کو لے کر غیر معمولی جوش و خروش دیکھا جارہا ہے ۔ اس سے پہلے دونوں ممالک چھ ٹی ٹوئنٹی میاچ کھیل چکے ہیں جس میں سے پانچ بار ہندوستان نے کامیابی حاصل کی ہے ۔ دونوں ٹیموں نے نٹ پریکٹس میں بھی حصہ لیا ہے ۔ دونوں ٹیموں کے کھلاڑی اس میاچ کو کافی سنجیدگی سے لے رہے ہیں ۔
پاکستان سے پہلے گولی چلتی ہے توہماری فوج کوبھی جوابی کاروائی کیلئے گولیاں گننی نہیں چاہئے

پاکستان سے پہلے گولی چلتی ہے توہماری فوج کوبھی جوابی کاروائی کیلئے گولیاں گننی نہیں چاہئے



مرکزی وزیر داخلہ راج ناتھ سنگھ نے کہا ہے کہ جب پاکستان کی طرف سے گولیاں برسائی جائیں گی توہماری فوج کوبھی اپنی گولیوں کی گنتی نہیں کرنی چاہئے کہ جواب میں ہم نے کتنی فائرنگ کی ہے۔ تاہم وزیرداخلہ نے کہا کہ پہلی گولی ہماری طرف سے نہیں چلنی چاہئے۔ اترکھنڈ کے کھٹیما میں ایک پروگرام سے خطاب کرتے ہوئے وزیرداخلہ نے کہاکہ پہلی گولی اپنی طرف سے نہیں چلنی چاہئے لیکن پاکستان گولی چلاتا ہے تواپنی طرف سے چلتی گولیوں کوگننا نہیں چاہئے۔ جے این یو واقعہ کے تناظر میں وزیرداخلہ نے کہاکہ ملک مخالف نعروں کوکبھی برداشت نہیں کیاجائے گا۔ ہم سب کچھ برداشت کرسکتے ہیں لیکن ہندوستان کی بربادی جیسے نعرے برداشت نہیں کرسکتے۔

Friday, 26 February 2016

مشرقی گوداوری : نامعلوم افراد نے ایک شخص کا قتل کردیا

مشرقی گوداوری : نامعلوم افراد نے ایک شخص کا قتل کردیا



مشرقی گوداوری میں نامعلوم افراد نے ایک شخص کا قتل کردیا ۔ تفصیلات کے مطابق کوتہ پیٹا میں رام بابو چھوٹی چائے کی ہوٹل چلایا کرتا تھا آج صبح جب وہ ہوٹل آیا تو نامعلوم افراد نے تنہا پاکر وزنی پتھر سے حملہ کرتے ہوئے اس کا قتل کردیا۔ اطلاع ملنے پر پولیس مقام واقعہ پہونچی اور تفصیلات حاصل کیں۔ لاش کو پسوٹ مارٹم کیلئے دواخانہ منتقل کردیا گیاہے ۔
ناجائز تعلقات نے ایک شخض کی جان لے لی

ناجائز تعلقات نے ایک شخض کی جان لے لی



ضلع ورنگل کے رام پور میں ناجائز تعلقات نے ایک شخض کی جان لے لی۔ تفصیلات کے مطابق رام پور کے ساکن راملو کے ایک خاتون کے ساتھ ناجائم تعلقات تھے جب راملو کو یہ پتہ چلا ہے کہ اس کی داشتہ کے کسی اور شخص کے ساتھ بھی تعلقات ہی تو وہ اس سے جھگڑپڑا اس دوران ہوئے حملہ میں راملو ہلاک ہوگیا۔ مقامی پولیس تحقیقات کررہی ہے ۔
تلگودیشم حکومت کے غیرذمہ دارانہ رویہ اور لاپرواہی کی وجہ سے ریلوے بجٹ میں ریاست کے ساتھ ناانصافی کی گئی

تلگودیشم حکومت کے غیرذمہ دارانہ رویہ اور لاپرواہی کی وجہ سے ریلوے بجٹ میں ریاست کے ساتھ ناانصافی کی گئی




آندھرا کانگریس کمیٹی کے صدر رگھوویرا ریڈی نے کہا ہے کہ تلگودیشم حکومت کے غیرذمہ دارانہ رویہ اور لاپرواہی کی وجہ سے ریلوے بجٹ میں ریاست کے ساتھ ناانصافی کی گئی ہے۔ میڈیا سے بات کرتے ہوئے رگھوویرا ریڈی نے کہا کہ ریاست کی تنظیم جدید بل میں ریلوے زون اور وشاکھا میٹرو ریل سے متعلق کئے گئے وعدوں کو نظرانداز کیا گیا ہے۔ انہوں نے کہا کہ اگر کانگریس حکومت اقتدار پر ہوتی تو تنظیم جدید بل میں کئے گئے تمام وعدوں کو پورا کیا جاسکتا تھا۔ رگھوویرا ریڈی نے کہا کہ چندرابابو نائیڈو کی وجہ سے ریاست کو نقصان ہورہا ہے ۔
مسعود اظہر کو عالمی دہشت گرد قرار دیا جائے

مسعود اظہر کو عالمی دہشت گرد قرار دیا جائے



بی جے پی لیڈر شاہ نواز حسین نے اقوام متحدہ سے مطالبہ کیا ہے کہ مسعود اظہر کو عالمی دہشت گرد قرار دیا جائے۔ میڈیا سے بات کرتے ہوئے شاہنواز حسین نے کہا کہ ہندوستان میں ہونے والی دہشت گردی کے مسعود اظہر ذمہ دار ہیں۔ بی جے پی لیڈر نے افضل گرو کی سزا پر چدمبرم کی طرف سے اٹھائے گئے سوال کو بھی تنقید کا نشانہ بنایا۔
غیرمصدقہ بیانات کو شواہد کے طور پر نہ پیش کیا جائے : سیتارام یچوری

غیرمصدقہ بیانات کو شواہد کے طور پر نہ پیش کیا جائے : سیتارام یچوری


دوسری طرف بائیں بازو کے لیڈر سیتارام یچوری نے مرکزی وزیر سمرتی ایرانی کو تنقید کا نشانہ بناتے ہوئے کہا کہ غیرمصدقہ بیانات کو شواہد کے طور پر نہ پیش کیا جائے ۔ یچوری نے یہ بھی کہا کہ مرکزی وزیر نے جو بھی بات کہی ہے وہ غیرمصدقہ ہے ۔ یچوری نے روہت خودکشی معاملہ پر مرکزی وزراء کو شدید تنقید کا نشانہ بنایا ۔ یچوری نے یہ بھی سوال کیا کہ کون اچھا ہندو ہے کیا اس کا بھی صداقتنامہ دیا جائے گا۔ انہوں نے الزام لگایا کہ ایک نوجوان طالب علم کو خودکشی کیلئے مجبور کیا گیا۔ روہت خودکشی معاملہ پر راجیہ سبھا میں مسلسل بحث جاری رہی ۔ اسپیکر پی جے کورین کو ارکان کو سمجھانے کیلئے کافی مشقت کرنی پڑی
حیدرآباد سنٹرل یونیورسٹی کی ڈاکٹر راج شری نے مرکزی وزیر سمرتی ایرانی کے دعووں کی قلعی کھول دی

حیدرآباد سنٹرل یونیورسٹی کی ڈاکٹر راج شری نے مرکزی وزیر سمرتی ایرانی کے دعووں کی قلعی کھول دی


راجیہ سبھا میں آج مرکزی وزیر فروغ انسانی وسائل سمرتی ایرانی کی طرف سے گزشتہ روز اپنی تقریر کے دوران درگا کا حوالہ دیئے جانے پر اپوزیشن ارکان نے احتجاج کرتے ہوئے معذرت خواہی کا مطالبہ کیا۔ راجیہ سبھا کی کاروائی کے دوران اپوزیشن جہاں سمرتی ایرانی کے خلاف احتجاج کررہا تھا اس وقت وقت بی جے پی نے بھی افضل گرو سے متعلق کانگریس لیڈر چدمبرم کے متنازعہ بیان پر مباحث کا مطالبہ کیا۔ ایوان میں سمرتی ایرانی نے کہا کہ گزشتہ روز انہوں نے جو بھی بیان دیا ہے وہ حیدرآباد یونیورسٹی کی طرف سے موصولہ اطلاعات کی بنیاد پر دیا ہے ۔ ایوان میں مباحث کے دوران سمرتی ایرانی نے روہت خودکشی معاملہ کی تحقیقات میں دلت طبقہ سے تعلق رکھنے والے شخص کی شمولیت نہ ہونے کو غلط قرار دیا ۔ ایرانی نے یہ بھی کہا کہ روہت ویمولا کو کبھی بھی فیلو شپ کی رقم دینے سے انکار نہیں کیاگیا۔ درگا سے متعلق اپنے ریمارک پر سمرتی ایرانی نے کہا کہ وہ درگا کی بھکت ہیں ۔
عشرت جہاں انکاونٹر پر حکمراں اور اپوزیشن جماعت کے ارکان کے درمیان نوک جھونک

عشرت جہاں انکاونٹر پر حکمراں اور اپوزیشن جماعت کے ارکان کے درمیان نوک جھونک


افضل گرو کی پھانسی کے فیصلہ سے متعلق سابق وزیر چدمبرم کے بیان اور عشرت جہاں کے انکاونٹر پر سابق داخلہ سکریٹری جے کے پلئی کے بیان پر لوک سبھا میں بی جے پی اور کانگریس ارکان کے درمیان نوک جھونک دیکھی گئی۔ بی جے پی کے رکن انیرودھ ٹھاکر نے بعض اخبارات میں چھپی خبروں کا حوالہ دیتے ہوئے کہا کہ سابق داخلہ سکریٹری نے عشرت جہاں انکاونٹر اور افضل گرو کی پھانسی پر سوال اٹھائے ہیں۔ انہوں نے کہا کہ عشرت جہاں انکاونٹر میں حلف نامہ کو یو پی اے حکومت نے اس وقت کے گجرات کے وزیراعلی نریندر مودی کو پھنسانے کیلئے تبدیل کیا تھا۔ بی جے پی کے رکن نے الزام لگایا کہ حلف نامہ کو بدلنے والوں کا نام ملک جاننا چاہتا ہے ۔ اس موقع پر کانگریس اور بی جے پی ارکان کی آپس میں بحث و تکرار دیکھی گئی ۔

Thursday, 25 February 2016

عاشق نے اپنی محبوبہ پر چاقو سے حملہ کرکے شدید زخمی کردیا

عاشق نے اپنی محبوبہ پر چاقو سے حملہ کرکے شدید زخمی کردیا



آئی سی آر آئی ایس اے ٹی کالونی بوئن پلی میں ایک عاشق نے اپنی محبوبہ پر چاقو سے حملہ کرکے شدید زخمی کردیا۔ تفصیلات کے مطابق متاثرہ خاتون سجاتا اپنی سہیلی کے ساتھ جمعرات کی صبح قریب نو بجے گھر کے پاس چہل قدمی کررہی تھی۔اس دوران شراون کمار اچانک وہاں پہنچ گیا۔ اس نے سجاتا پر چاقو سے حملہ کرکے اسے شدید زخمی کردیا۔ بتایا جاتا ہے کہ ان دونوں کے درمیان چل رہے معاشقے کے بارے میں سجاتا کے گھروالوں کو پتہ چل گیاتھا جس پر اسے شراون سے ملنے جلنے سے منع کردیاگیاتھا۔ مقامی افراد نے شراون کو پکڑکر پولیس کے حوالے کردیا۔بوئن پلی پولیس نے ایک کیس درج کرکے شراون کو گرفتارکرلیا ہے اور سجاتا کو بال نگر کے ایک دواخانے کو منتقل کردیاگیا ہے۔
ریلوے بجٹ میں ایک بارپھر تلنگانہ کے ساتھ ناانصافی

ریلوے بجٹ میں ایک بارپھر تلنگانہ کے ساتھ ناانصافی



مرکزی ریلوے بجٹ میں ایک بارپھر تلنگانہ کے ساتھ ناانصافی ہوئی ہے۔ قاضی پیٹ کوچ فیکٹری اور ایم ایم ٹی ایس کے سرویس میں توسیع سے متعلق کی گئی نمائندگیوں کو مستردکردیاگیا۔ مرکزی ریلوے بجٹ میں تلنگانہ کے بعض پراجکٹوں کیلئے فنڈس مختص کئے گئے ہیں جن میں کوٹی پلی تا نرسا پور لائن کیلئے دوسوکروڑروپئے منظورکئے گئے ہیں اسی طرح پدا پلی تا نظام آباد کیلئے سترکروڑ‘منیر آباد تا محبوب نگرایک سو اسّی کروڑ روپئے‘ مارچلا تا نلگنڈہ بیس کروڑروپئے ‘قاضی پیٹ تا وجئے واڑہ تیسری لائن کیلئے ایک سو چودہ کروڑروپئے مختص کئے گئے ہیں۔ اس کے علاوہ قاضی پیٹ اور ورنگل کے درمیان روڈ اوور بریجس کی تعمیر کیلئے پانچ کروڑروپئے منظور کئے گئے ہیں۔
حوصلے تو بلند تھے لیکن اقتدار میں آتے ہی ہمارے قدم ڈگمگانے لگے

حوصلے تو بلند تھے لیکن اقتدار میں آتے ہی ہمارے قدم ڈگمگانے لگے



نائب وزیراعلیٰ محمد محمود علی نے چھپے لفظوں میں اعتراف کرلیا ہے کہ تلنگانہ تحریک کے دوران وقف اراضیات کے تحفظ کیلئے حوصلے تو بلند تھے لیکن اقتدار میں آتے ہی ہمارے قدم ڈگمگانے لگے ہیں۔ فورٹی وی سے بات کرتے ہوئے نائب وزیراعلیٰ نے کہاکہ گزشتہ دو سال سے محکمہ مال دیگرپروگراموں پر توجہ مرکوز کئے ہوئے تھا۔ جاریہ سال محکمہ مال کے سال کے طورپرمنایا جائے گا۔ انہوں نے بتایاکہ پہلے محکمہ کی کارکردگی کو بہتربنایاجائے گا اور اس کے بعد وقف جائیدادوں کا تحفظ کیاجائے گا۔نائب وزیراعلیٰ نے اقلیتی بجٹ کے غیرموثر استعمال کا اعتراف کرتے ہوئے کہاکہ عملے کی کمی کی وجہ سے یہ ممکن نہیں ہو پایا ہے لیکن آئندہ مالیاتی سال سے بجٹ کو مکمل خرچ کرنے کیلئے اقدامات کئے جائیں گے۔نائب وزیراعلیٰ نے بتایا کہ مابھومی ویب سائیٹ پر ان جائیدادوں کی تفصیلات فراہم نہیں کی گئی ہیں جو کہ متنازعہ ہیں۔
کشمیر : جیش محمد کا عسکریت پسند کو گرفتار

کشمیر : جیش محمد کا عسکریت پسند کو گرفتار



کشمیر کے بارہ مولا میں جیش محمد سے تعلق رکھنے والے ایک عسکریت پسند کو گرفتار کیا گیا ہے ۔ فوج اور پولیس کے مشترکہ آپریشن کے دوران صدیق گجر نامی عسکریت پسند کو ہتھیاروں کے ساتھ گرفتار کیا گیا ۔ ڈی آئی جی غریب داس نے بتایا ہے کہ صدیق اس سے پہلے ایک فدائین حملہ میں ملوث تھا اور اس کی سرگرمیوں پر نظر رکھتے ہوئے اسے گرفتار کیا گیا ۔
مملکتی وزیر برائے داخلہ رام شنڈے نے سب انسپکٹر یونس شیخ سے دواخانہ پہونچ کر ان کی عیادت

مملکتی وزیر برائے داخلہ رام شنڈے نے سب انسپکٹر یونس شیخ سے دواخانہ پہونچ کر ان کی عیادت



مہاراشٹرا کے مملکتی وزیر برائے داخلہ رام شنڈے نے اشرار کی طرف سے زدوکوب کئے جانے کا شکار سب انسپکٹر یونس شیخ سے دواخانہ پہونچ کر ان کی عیادت کی ۔ بعد میں میڈیا سے بات کرتے ہوئے مملکتی وزیر داخلہ نے کہا کہ یونس شیخ پر حملہ میں ملوث افراد کے خلاف سخت کارروائی کی جائے گی انہوں نے بتایا کہ اس سارے معاملہ کی تحقیقات کی جارہی ہے ۔ وزیر داخلہ کے ہمراہ مہاراشٹرا کے ڈی جی پراوین ڈکشٹ بھی موجود تھے ۔ واضح رہے کہ سب انسپکٹر یونس شیخ جن کو داڑھی بھی ہیں انہیں دائیں بازو کی بنیاد پرست تنظیم کے کارکنوں نے حملہ کیا تھا ۔ انہیں زعفرانی پرچم اُٹھاکر گشت کرایا گیا تھا ۔ اس موقع پر ان کے ساتھ موجود پولیس ملازمین بھی ان کی مدد کرنے میں لاپرواہ دیکھے گئے تھے۔ پچاس سالہ سب انسپکٹر کے افراد خاندان نے پولیس محکمہ اس سارے معاملہ کی تحقیقات کا مطالبہ کیا تھا ۔ اتنا ہی نہیں بلکہ یونس شیخ کو جئے بھوانی اور جئے شیواجی جیسے نعرے لگانے پر بھی مجبور کیا گیا تھا ۔ بتایا گیا کہ اس سلسلہ میں پولیس نے سولہ افراد کو تحویل میں لیا ہے ۔ اور اس کیس کی مزید تحقیقات کی جارہی ہے۔
 سنجے دت  پونے کی یرواڈہ جیل سے رہا

سنجے دت پونے کی یرواڈہ جیل سے رہا



بالی ووڈ اداکار سنجے دت کو آج پونے کی یرواڈہ جیل سے رہا کردیا گیا ۔ انیس سو تریانوے ممبئی بم دھماکوں کے مقدمہ کے سلسلہ میں سنجے دت کو قصوروار قرار دیاگیا تھا۔ چھپن سالہ سنجے دت کو غیر قانونی طریقہ سے ہتھیار رکھنے کے جرم میں اکیس مارچ دو ہزار تیرہ کو پانچ سال قید کی سزا سنائی گئی تھی۔ سال دو ہزار سات اور آٹھ کے دوران وہ پہلے ہی اٹھارہ ماہ کی قید کی سزا کاٹ چکے تھے ۔ سنجے دت کی سزا ختم ہونے میں ابھی چند ماہ باقی تھے اور دوران قید اچھے چال چلن کی بنیاد پر ان کی ماباقی سزا معاف کی گئی ۔ مہاراشٹرا کی حکومت نے ان کی سزا میں کمی کی تجویز کو قبول کیا تھا اور وزارت داخلہ کی طرف سے منظوری ملنے کے بعد سنجے دت کی سزا میں جیل مینویل کے تحت کمی کی گئی تھی ۔ اس سے پہلے سنجے دت کی قبل از وقت رہائی کے سلسلہ میں ممبئی کی ایک عدالت میں درخواست بھی داخل کی گئی تھی ۔ درخواست گزار نے سوال کیا تھا کہ آخر کونسے اچھے چال چلن کی وجہ سے سنجے دت کی سزا میں کمی کی گئی ہے ۔ سنجے دت کو ٹاڈا کی عدالت نے چھ سال کی سزا سنائی تھی لیکن سپریم کورٹ نے ان کی سزا کو پانچ سال کردیا تھا ۔ سنجے دت جیسے ہی جیل سے باہر آئے انہوں نے جیل پر لگے ہوئے قومی پرچم کو سیلیوٹ کیا اور زمین کو بوسہ دیا ۔ جیل کے باہر سنجے دت کی اہلیہ مانیاتا دت اور افراد خاندان بھی موجود تھے ۔ بعد میں سنجے دت پونہ سے خصوصی طیارہ کے ذریعہ ممبئی روانہ ہوگئے ۔ دوسری طرف ممبئی میں سنجے دت کے چاہنوں والی کی طرف سے مٹھائیاں تقسیم کی گئیں اور بینڈ باجے کے ساتھ رقص کیا گیا ۔
 پی چدمبرم نے افضل گرو کے مقدمہ پر شبہات کا اظہار کرتے ہوئے تنازعہ کھڑا کردیا

پی چدمبرم نے افضل گرو کے مقدمہ پر شبہات کا اظہار کرتے ہوئے تنازعہ کھڑا کردیا


کانگریس کے سینئر لیڈر و سابق مرکزی وزیر پی چدمبرم نے پارلیمنٹ حملہ کیس کے مجرم افضل گرو کے مقدمہ پر شبہات کا اظہار کرتے ہوئے تنازعہ کھڑا کردیا ہے ۔ اکنامک ٹائمس میں شائع ایک انٹرویو میں چدمبرم نے کہا کہ ان کی نظر میں افضل گرو کے مقدمہ میں صحیح فیصلہ نہیں ہوا ہے ۔ چدمبرم نے جے این یو میں جاری تنازعہ میں پانچ طلبہ پر غداری کے مقدمہ پر تبصرہ کرتے ہوئے کہا کہ عدالت کی طرف سے افضل گرو کے مقدمہ میں غلط فیصلہ لیا گیا تھا اور اب جے این یو کے طلبہ پر غداری کا مقدمہ بھی مناسب نہیں ہے ۔ واضح رہے کہ سال دو ہزار ایک میں سپریم کورٹ میں افضل گرو کو پارلیمنٹ پر حملہ اور وہاں ہوئی جھڑپ میں چھ پولیس ملازمین کی ہلاکت کے واقعہ کا قصوروار قرار دیتے ہوئے پھانسی کی سزا سنائی تھی ۔ افضل گرو کو نو فروری سال دو ہزار تیرہ میں تختہ دار پر لٹکادیا گیا تھا ۔
بی جے پی کے دور حکومت میں ریلویز پٹری سے اُتر گی

بی جے پی کے دور حکومت میں ریلویز پٹری سے اُتر گی



آر جے ڈی سربراہ و سابق مرکزی وزیر ریلوے لالو پرساد یادو نے این ڈی اے کے ریلوے بجٹ کو انتہائی ہلکا قرار دیا ہے ۔ میڈیا سے بات کرتے ہوئے لالو پرساد یادو نے کہا کہ ریل بجٹ میں کچھ بھی نیانہیں ہے ۔ لالو یادو نے کہا کہ ہندوستانی ریلویز کو ہم نے پال پوس کر بڑا کیا تھا ‘ ریلویز کا خرچہ بڑھتا جارہا ہے اور آمدنی گھٹتی جارہی ہے ۔ انہوں نے کہا کہ بلیٹ ٹرین بھی صرف ایک بہانہ بن کر رہ گیا ہے ۔ لالو یادو نے کہا کہ بی جے پی کے دور حکومت میں ریلویز پٹری سے اُتر گیا ہے۔
وزیراعظم نریندر مودی نے ریلوے بجٹ پر کیا اطمینان کا اظہار

وزیراعظم نریندر مودی نے ریلوے بجٹ پر کیا اطمینان کا اظہار


وزیراعظم نریندر مودی نے ریلوے بجٹ کو اطمینان بخش قرار دیا ہے۔ میڈیا کیلئیے اپنے پیام میں وزیراعظم نے کہا کہ پچھلے بجٹ میں بھی وعدے کئے گئے تھے اس کا پورا پورا حساب دیتے ہوئے مستقبل کی حکمت عملی کو طئے کیا گیا ہے۔ انہوں نے کہا کہ صاف صفائی کے علاوہ مسافرین کی سہولتوں پر خاص توجہ دی گئی ہے۔ وزیراعظم مودی نے کہا کہ ریلوے بجٹ ملک کی معاشی حالت کو بہتر بنانے میں اہم رول ادا کرے گا ۔
مرکزی ریلوے بجٹ لوک سبھا میں پیش

مرکزی ریلوے بجٹ لوک سبھا میں پیش


مرکزی وزیر ریلوے سریش پربھو نے آج لوک سبھا میں ریلوے بجٹ پیش کیا ۔ بجٹ میں مسافر کرایوں اور مال برداری کی شرحوں میں کوئی تبدیلی نہیں کی گئی ۔ تین سوپر فاسٹ ٹرینوں ہمسفر ‘ تیجس اور اودئے کا اعلان کیا گیا ۔ مرکزی وزیر ریلوے نے بتایا کہ آئندہ دو سالوں کے دوران ملک کے چار سو ریلوے اسٹیشنس پر وائی فائی سہولتیں فراہم کی جائیں گی ۔ ریلوے سفر میں خواتین کی سلامتی کیلئے چوبیس گھنٹے کا ہیلپ لائن سنٹر قائم کیا جائے گا ۔ نان اے سی کوچس میں موبائل چارجنگ پوائنٹس بھی نصب کئے جائیں گے ۔ وزیر ریلوے نے کہا کہ گزشتہ سال ریلوے حدمات بہتر رہیں لیکن اسے اور بھی بہتر بنایا جائے گا۔ سریش پربھو نے بتایا کہ ٹکٹ ریزرویشن کیلئے خواتین کیلئے تینتیس فیصد کے ذیلی کوٹہ کو متعارف کرایا جائے گا۔ اہم ریلوے اسٹیشنس پر وہیل چیر خدمات فراہم کی جائیں گی۔ جاریہ سال سترہ ہزار بائیو ٹائلٹس قائم کئے جائیں گے۔ سینئر سٹیزن کا کوٹہ پچاس فیصد کیا جائے گا ۔ کریڈٹ کارڈ کے ذریعہ ای ٹکٹنگ کی سہولت بھی دستیاب رہے گی ۔ ٹرینوں میں ماں کے ساتھ سفر کرنے والے بچوں کیلئے بے بی فوڈ اور گرم پانی فراہم کیا جائے گا۔ احمدآباد‘حیدرآباد اور چینائی میں سب اربن نظام کو بہتر بنایا جائے گا ۔ بارکوڈس ٹکٹ متعارف کیا جائے گا۔ تتکال سنٹر پر سی سی ٹی وی کیمرے لگائے جائیں گے۔ دو ہزار پانچ سو پانی کی وینڈنگ مشینس مختلف ریلوے اسٹیشنس پر نصب کی جائیں گی ۔ دو ہزار آٹھ سو کیلو میٹر کی نئی ریلوے لائنیں بچھائی جائیں گی ۔ ملک کے دو ہزار اسٹیشنس پر مسافرین کو معلومات فراہم کرنے کیلئے بیس ہزار اسکرینس نصب کئے جائیں گے ۔ صحافیوں کیلئے رعایتی پاس بھی متعارف کئے جائیں گے ۔

Wednesday, 24 February 2016

Tuesday, 23 February 2016

پارلیمنٹ کے بجٹ اجلاس پر دنیا بھر کی نظریں : نریندر مودی

پارلیمنٹ کے بجٹ اجلاس پر دنیا بھر کی نظریں : نریندر مودی


وزیر اعظم نریندر مودی نے کہا ہے کہ پارلیمنٹ کے بجٹ اجلاس پر دنیا بھر کی نظریں جمی ہوئی ہیں ۔ پارلیمنٹ کے باہر آج صبح میڈیا سے بات کرتے ہوئے وزیراعظم نے کہا کہ پچھلے کئی دنوں سے لگاتار تمام جماعتوں سے مشاورت کی جارہی ہے ۔ انہوں نے کہا کہ بعض قائدین سے شخصی طور پر بھی بات چیت ہوئی ہے اور ان تمام کوششوں سے انہیں یقین ہے کہ بجٹ اجلاس کا صحیح استعمال ہوگا ۔ موثر مباحث ہوں گے ‘ ملک کے عام شہریوں کی توقعات پر پورا اترنے کی کوشش کی جائے گی ۔ انہوں نے بتایا کہ اب تک جتنی بھی ملاقاتیں ہوئی ہیں اس میں اپوزیشن نے اطمینان بخش موقف کا اظہار کیا ہے ۔ وہ امید کرتے ہیں کہ آنے والے دنوں میں ملک کے عوام کو بھی اس سے اطمینان ہوگا ۔ وزیر اعظم نے اس امید کا اظہار کیا کہ پارلیمنٹ اجلاس کا صحیح استعمال کرتے ہوئے تمام مسائل پر جامع مباحث ہونے چاہئیں تاکہ اسے عام شہریوں کی توقعات پر پورا اترا جاسکے ۔
 پارلیمنٹ کے بجٹ اجلاس کا صدرجمہوریہ کے خطبہ سے آغاز

پارلیمنٹ کے بجٹ اجلاس کا صدرجمہوریہ کے خطبہ سے آغاز


پارلیمنٹ کے بجٹ اجلاس کا صدرجمہوریہ پرنب مکرجی کے خطبہ سے آغاز ہوا ۔ اس موقع پر اپنے خطاب میں وزیراعظم نے کہا کہ پارلیمنٹ مباحث کا پلیٹ فارم ہے ۔ اسے خلل سے دوچار نہیں کرنا چاہیے۔ صدرجمہوریہ نے تمام ارکان پر زور دیا کہ انہیں اپنی ذمہ داری نبھاتے ہوئے تعاون کرنا ہوگا ۔ اپنے خطبہ میں صدرجمہوریہ نے حکومت کی مختلف اسکیموں اور پروگراموں کا بھی ذکر کیا ۔ پرنب مکرجی نے بدعنوانیوں کے خاتمہ کیلئے حکومت کی طرف سے کئے جارہے اقدامات پر بھی روشنی ڈالی ۔ اس سے پہلے پارلیمنٹ پہونچنے پر صدرجمہوریہ کا وزیراعظم نریندر مودی‘ اسپیکر لوک سبھا میرا کمار اور دیگر وزراء نے خیرمقدم کیا ۔

Monday, 22 February 2016

شادی کے نام پر نابالغ لڑکی کا جنسی استحصال

شادی کے نام پر نابالغ لڑکی کا جنسی استحصال



شادی کے نام پر نابالغ لڑکی کا جنسی استحصال کرنے والے شخص کو گرفتارکرلیاگیا ہے۔ تفصیلات کے مطابق چنچل گوڑہ کی ساکن سترہ سالہ لڑکی کے افرادخاندان کااعتماد حاصل کرنے کے بعد دبیر پورہ کے ساکن بتیس سالہ نوازعلی خان نے یہ وعدہ کیاتھاکہ وہ لڑکی سے شادی کرے گا۔نوازنے شادی کا وعدہ کرکے ناجائز تعلقات قائم کرلئے۔پولیس کے مطابق لڑکی نے جب شادی کیلئے اصرار کیا تونواز حیلے بہانے تلاش کرنے لگا۔اس نے لڑکی کو نہ صرف بلیک میل کیا بلکہ اُسے قتل کرنے کی بھی دھمکی دی۔ لڑکی کی شکایت پر پولیس نے مقدمہ درج کرتے ہوئے اٹھارہ فروری کو آئی ایس سدن کے پاس اسے گرفتارکرلیا۔ نواز کو عدالتی تحویل میں دیدیاگیا ہے۔